قاراعاندى وبلىسىنىڭ ۇلىتاۋ اۋدانىندا تۋريزمدٸ دامىتۋعا عانا ەمەس, سونىمەن قاتار جەرگٸلٸكتٸ تۇرعىنداردىڭ ٶمٸر سٷرۋ ساپاسىن ارتتىرۋعا دا ەرەكشە كٶڭٸل بٶلٸنٸپ وتىر.
بۇل تۋرالى ٶزٸنٸڭ Facebook پاراقشاسىندا قاراعاندى وبلىسىنىڭ ەكٸمٸ جەڭٸس قاسىمبەك جازدى, دەپ حابارلايدى "ۇلت اقپارات".
«ۇلىتاۋعا ساپار بارىسىندا فەرمەرلەرمەن كەزدەسٸپ, سۋبسيدييا مەسەلەسٸن تالقىلادىق. بٸرقاتار مەسەلەلەردٸ اۋىل شارۋاشىلىعى مينيسترلٸگٸ دەڭگەيٸندە شەشۋ قاجەت. الداعى كٷندەرٸ تاعى دا قاراعاندىدا كەزدەسۋگە ۋاعدالاستىق.
اۋدان ورتالىعىندا تٶرت كٶپپەتەرلٸ تۇرعىن ٷيدٸڭ قۇرىلىس الاڭدارىندا بولدىم. قۇرىلىس جەكە ينۆەستيتسييالار ەسەبٸنەن جٷرگٸزٸلۋدە. تۇرعىن ٷيلەر ساتىپ الۋ قۇقىعىمەن جالعا بەرٸلەتٸن بولادى.
ٶزدەرٸڭٸز بٸلەتٸندەي, وبلىستا اۋىلدىق جەرلەردە 32 فەلدشەرلٸك-اكۋشەرلٸك پۋنكتتٸ سالۋ جوسپارلانعان. ونىڭ التاۋى ۇلىتاۋ اۋدانىنىڭ اۋىلدارىندا اشىلادى.
سونداي-اق, تۋريستٸك ەلەۋەتتٸ دامىتۋ ٷشٸن قر مەدەنيەت, تۋريزم جەنە سپورت مينيسترلٸگٸ سالعان ساپار ورتالىعىنا باردىم. نىساندا اسحانا, مەجٸلٸس زالى, قوناق ٷي ورنالاسقان. جالپى, ورتالىق بٸر ۋاقىتتا 200 ادامدى قابىلداي الادى.
سونىمەن قاتار, «جوشى حان» تاريحي-مەدەني كەشەنٸنٸڭ قۇرىلىس الاڭىندا بولدىق. مۇنداعى جۇمىستار 90% ورىندالدى.
قازٸرگٸ ۋاقىتتا ٸشكٸ ەرلەۋ, اۋلانى اباتتاندىرۋ, كٶگالداندىرۋ جەنە ينجەنەرلٸك سىرتقى جەلٸلەردٸ قوسۋ بويىنشا جۇمىستار جٷرگٸزٸلۋدە. قۇرىلىس جۇمىستارى تامىزدا اياقتالادى»,-دەيدٸ وبلىس ەكٸمٸ.
كەشەن التىن وردا دەۋٸرٸن زەرتتەۋگە ارنالعان عىلىمي ورتالىق قانا ەمەس, سونىمەن قاتار ۇلىتاۋدىڭ كيەلٸ ورىندارىن, ەتنو-اۋىل, جەزقازعان قالاسىنىڭ تاريحي-ارحەولوگييالىق جەنە تاريحي-ٶندٸرٸستٸك مۇراجايلارىن بايلانىستىراتىن بٸرەگەي تۋريستٸك مارشرۋتتىڭ بٸر بٶلٸگٸنە اينالادى.
«قارساقباي كەنتٸندە اگروتەحنيكالىق كوللەدجدٸ جٶندەۋ جۇمىستارىنىڭ ساپاسىن تەكسەرٸپ, جۇمىسپەن قامتۋ-2021 جول كارتاسى بويىنشا سالىنىپ جاتقان 100 ورىندىق دەنە شىنىقتىرۋ – ساۋىقتىرۋ كەشەنٸنٸڭ قۇرىلىس الاڭىندا بولدىم. كٷزگە قاراي سپورت كەشەنٸن پايدالانۋعا بەرۋدٸ تاپسىردىم»,-دەپ جازدى جەڭٸس قاسىمبەك.
