كەسٸپقوي بوكستا جەڭٸلٸپ كٶرمەگەن قازاقستاندىق مەيٸرٸم نۇرسۇلتانوۆتىڭ (15-0, 8 كو) كەلەسٸ جەكپە-جەگٸ قاشان ٶتەتٸنٸ بەلگٸلٸ بولدى. بۇل تۋرالى قازاقپارات Sports.kz-كە سٸلتەمە جاساپ حابارلايدى.
BoxRec.com مەلٸمەتٸنشە, نۇرسۇلتانوۆ رينگكە 2022 جىلدىڭ 15 قاڭتارىندا اقتاۋدا رەسەيلٸك اندرەي سيروتكينمەن (19-1-1, 7 كو) شىعادى. ولار ورتا سالماقتاعى WBO International تيتۋلى ٷشٸن جۇدىرىقتاسادى.
مەيٸرٸم بۇعان دەيٸنگٸ ايقاسىن دا اقتاۋدا 6 قاراشادا ٶتكٸزگەن ەدٸ, ول تٶرەشٸلەردٸڭ بٸراۋىزدى شەشٸمٸمەن بەلارۋس دميتريي اتروحوۆتى (16-12, 7 كو) جەڭگەن بولاتىن. ال سيروتكين بولتوندا (انگلييا) 17 سەۋٸر كٷنٸ جەكپە-جەك ٶتكٸزٸپ, WBO European تيتۋلى ٷشٸن ايقاستا جەرگٸلٸكتٸ بوكسشى دەنني ديگنەممەن (13-0-1, 7 كو) تەڭ تٷستٸ.
