جەمقورلىقپەن كٷرەس قورى "پۋتين سارايى" دەگەن اتپەن بەلگٸلٸ گەلەندجيك تٷبٸندەگٸ زەۋلٸم ساراي جايلى زەرتتەۋ جارييالادى.
ال بٸر كٷن بۇرىن حيمكي سوتى گەرمانييادان رەسەيگە ورالعان قور جەتەكشٸسٸ الەكسەي ناۆالنىيدى 30 تەۋلٸككە قاماعان بولاتىن.
زەرتتەۋ ناۆالنىي ۇستالعانعا دەيٸن جاسالعان. دەرەكتٸ فيلم جانرىندا تٷسٸرٸلگەن 2 ساعاتقا سوزىلاتىن ۆيدەودا فيلم اۆتورلارىنىڭ بٸرٸ ەرٸ جٷرگٸزۋشٸسٸ رەتٸندە ناۆالنىيدىڭ ٶزٸ دە كٶرٸنەدٸ.
"پۋتين سارايى" دەگەن اتپەن بەلگٸلٸ رەزيدەنتسييا 2005-2010 جىلدارى قارا تەڭٸز جاعالاۋىندا گەلەندجيككە جاقىن ماڭعا تۇرعىزىلعان. سارايدىڭ رەسەي پرەزيدەنتٸ ۆلاديمير پۋتينگە ارنالعانىن 2010 جىلى كەسٸپكەر سەرگەي كولەسنيكوۆ مەلٸمدەگەن. ول جوبا قۇنىن 1 ملرد دوللارعا باعالاعان. سودان بەرٸ ساراي تۋرالى بٸرقاتار باق جازعان.
جەمقورلىقپەن كٷرەس قورى زەرتتەۋٸندە ساراي قۇرىلىسىن قارجىلاندىرۋ سحەماسىنا كٶڭٸل بٶلگەن. سونىمەن بٸرگە ساراي ينتەرەرٸن دە سٶز ەتكەن.
"بۇل - رەسەيدە ەڭ قاتاڭ كٷزەتٸلەتٸن ورىن, ٸس جٷزٸندە "مەملەكەت ٸشٸندەگٸ مەملەكەت" دەۋگە كەلەدٸ. بۇل جٷزدەگەن, تٸپتٸ مىڭداعان ادام - ەشكٸم بٸلمەيتٸن كٷزەتشٸ, باعبان, قۇرىلىسشىدان باستاپ رەسەيدەگٸ ەڭ باي, تانىمال ادامداردى قامتيتىن ەڭ ٷلكەن پۋتيندٸك قۇپييا" دەلٸنگەن زەرتتەۋ كٸرٸسپەسٸندە. ساراي قۇرىلىسىنا بٶلٸنگەن قارجىنى فيلم اۆتورلارى "تاريحتاعى ەڭ ٸرٸ پارا" دەپ اتاعان.
وننان استام ساعات ٸشٸندە زەرتتەۋدٸ 15,3 ملن ادام كٶرٸپ ٷلگەرگەن.
زەرتتەۋ ساياسي ۇراندارمەن - اتاپ ايتقاندا, ۆلاديمير پۋتين بيلٸگٸمەن كٷرەسۋ, سايلاۋدا "ەدينايا روسسيياعا" قارسى داۋىس بەرۋ تەرٸزدٸ ٷندەۋلەرمەن اياقتالادى.
ۆلاديمير پۋتيننٸڭ باسپاسٶز حاتشىسى دميتريي پەسكوۆ "پودەم" باسىلىمىنا زەرتتەۋ جايلى تٷسٸنٸكتەمە بەرگەن.
"ەبدەن جاۋىر بولعان پلاستينكا. كٶپ جىل بۇرىن پۋتيننٸڭ ەشقانداي سارايى جوق ەكەنٸن ايتىپ تٷسٸندٸرگەنبٸز" دەدٸ ول. كرەمل وسىعان دەيٸن دە پۋتيننٸڭ گەلەندجيكتەگٸ سارايعا قاتىسى جوق ەكەنٸن مەلٸمدەگەن.
