قازاقستاندا جەمقورلاردىڭ تٷرمەدەن شارتتى تٷردە مەرزٸمٸنەن بۇرىن بوساپ شىعۋىنا تىيىم سالىنباق. بۇل تۋرالى بٷگٸن قر سىبايلاس جەمقورلىققا قارسى ٸس-قيمىل اگەنتتٸگٸنٸڭ القا مەجٸلٸسٸندە ۆەدومستۆو باسشىسى اليك شپەكباەۆ ايتتى, دەپ حابارلايدى قازاقپارات.
«جوعارعى سوتتىڭ سوت كورپۋسىن »تازالاۋ« مەسەلەسٸندەگٸ بەلسەندٸلٸگٸن ەسكەرە وتىرىپ بٸز بٸرلەسكەن كٷش-جٸگەرٸمٸزبەن فەميدا قىزمەتكەرلەرٸن ەشكەرەلەيمٸز. وسى جىلدىڭ ٶزٸندە بەسەۋٸ سوتتالدى. وسىعان وراي, اگەنتتٸك قۇقىق قورعاۋ ورگاندارى قىزمەتكەرلەرٸ مەن سۋديالاردىڭ جەمقورلىق ٷشٸن جاۋاپكەرشٸلٸگٸن كٷشەيتۋگە باستاماشىلىق جاسادى. سونىمەن قاتار, اۋىر جەنە اسا اۋىر جەمقورلىق قىلمىستار بويىنشا شارتتى تٷردە مەرزٸمٸنەن بۇرىن بوساتۋدى قولدانۋعا شەكتەۋ ۇسىنىلدى», - دەدٸ اگەنتتٸك تٶراعاسى.
ا.شپەكباەۆتىڭ ايتۋىنشا, سوڭعى ٷش جىلدا كەشەندٸ الدىن-الۋ شارالارىنىڭ نەتيجەسٸندە سىبايلاس جەمقورلىق قۇقىق بۇزۋشىلىقتاردىڭ سانى 14 پايىزعا ازايعان. قىلمىستىڭ نەگٸزگٸ بٶلٸگٸ – پاراقورلىق (850), ۇرلىق (714) جەنە بيلٸكتٸ اسىرا پايدالانۋ (224) فاكتٸلەرٸ. جىل باسىنان بەرٸ 1028 تۇلعا ەشكەرلەندٸ, ونىڭ 23-ٸ رەسپۋبليكالىق جەنە 86-ى وبلىستىق دەڭگەيدەگٸ باسشىلار.
«كەلتٸرٸلگەن زالالدىڭ مٶلشەرٸ ەدەۋٸر ارتتى – 23,2 ملرد تەڭگە. بۇل ٶتكەن جىلمەن سالىستىرعاندا 1,7 ەسەگە كٶپ. ونىڭ 94 پايىزى ٶتەلدٸ», - دەدٸ ا.شپەكباەۆ.
