فوتو: قر وقۋ-اعارتۋ مينيسترلٸگٸ
بٸلٸم بەرۋ ينفراقۇرىلىمىن قولداۋ قورى ەسەبٸنەن 22 مىڭ وقۋشى ورنىنا ارنالعان تاعى 28 جاڭا مەكتەپ سالىنادى, دەپ حابارلايدى Ult.kz.
قر وقۋ-اعارتۋ مينيسترلٸگٸنٸڭ حابارلاۋىنشا, مەملەكەت باسشىسىنىڭ تاپسىرماسى بويىنشا قۇرىلعان قور جەمقورلاردان تەركٸلەنگەن قاراجات ەسەبٸنەن تولىقتىرىلىپ كەلەدٸ. ونىڭ نەگٸزگٸ ماقساتى بٸلٸم بەرۋ ۇيىمدارى ٷشٸن جاڭا عيماراتتار سالۋ, كەڭەيتۋ ارقىلى اپاتتى مەكتەپتەر مەن ورىن تاپشىلىعىن جويۋ.
«مەملەكەت بالالار ٷشٸن قولايلى جاعداي جاساۋعا ەرەكشە كٶڭٸل بٶلٸپ كەلەلٸ. بٷگٸنگٸ تاڭدا 74,4 مىڭ ورىندىق 61 مەكتەپ پايدالانۋعا بەرٸلدٸ, ونىڭ 29-ى اۋىلدىق ەلدٸ مەكەندەردە ورنالاسقان», - دەپ اتاپ ٶتتٸ ينفراقۇرىلىمدى دامىتۋ دەپارتامەنتٸنٸڭ باسقارما باسشىسى جايىق ماحسۋتوۆ.
2024 جىلى 25 مەكتەپ سالىندى, ولاردىڭ باسىم بٶلٸگٸ استانا قالاسىندا, جەنە ماڭعىستاۋ, الماتى, جامبىل وبلىستارىندا ورنالاسقان. بارلىق بٸلٸم بەرۋ ۇيىمدارى زاماناۋي قۇرال-جابدىقتارمەن جابدىقتالعان.
ەستەرٸڭٸزگە سالا كەتەيٸك, بٸلٸم بەرۋ ينفراقۇرىلىمىن قولداۋ قورىنىڭ ەسەبٸنەن 100 مىڭعا جۋىق وقۋشى ورىندىق 89 مەكتەپتٸڭ قۇرىلىسى قارجىلاندىرىلدى.
