ەلەۋمەتتٸك جەلٸدە قازاقستاننىڭ حالىق جازۋشىسى مۇحتار شاحانوۆتىڭ دٷنيەدەن ٶتكەنٸ تۋرالى حابار تارادى. اقىننىڭ "جالىن" جۋرنالىنداعى ورىنباسارى قۇدييار بٸلەل بۇل اقپاراتتىڭ جالعان ەكەنٸن حابارلادى, دەپ جازادى "ۇلت اقپارات".
"كەي اعايىن ەلەۋمەتتٸك جەلٸ بەتٸندە "مۇحتار شاحانوۆ دٷنيەدەن وزىپتى" دەپ حابار تاراتۋدا. باسىن اشىپ ايتايىق, جاڭساق حابار. اعامىز دٸن امان. قازٸر عانا سٶيلەستٸك. سوندىقتان ٶتٸرٸك اقپاردى تاراتۋدى توقتاتايىق", - دەپ جازدى بٸلەل Facebook پاراقشاسىندا.
ايتا كەتەيٸك, بۇعان دەيٸن مۇحتار شاحانوۆتىڭ ەكٸ ٶكپەسٸ قابىنىپ, ٷشٸنشٸ شٸلدەدە اۋرۋحاناعا تٷسكەنٸ حابارلاندى.
"2 شٸلدەدە مۇحتار شاحانوۆتىڭ تۋعان كٷنٸ بولدى. سونى رەداكتسييادا كٸشٸگٸرٸم اتاپ ٶتتٸك. ونىڭ الدىندا شامالى مازاسى بولماي جٷردٸ, بٸراق قاتتى اۋىرعان جوق. جٶتەل سەكٸلدٸ اۋرۋدىڭ بەلگٸلەرٸ بولمادى. ٶزٸ ٷنەمٸ قوزعالىستا جٷرەتٸن ادام بولعان سوڭ كەيٸنگٸ كەزدەرٸ كٶپ دەمالعىسى كەلە بەردٸ", - دەگەن بولاتىن شاحانوۆتىڭ ورىنباسارى.
كەيٸننەن قۇدييار بٸلەل اۋرۋحانادا شاحانوۆقا ەرەكشە كٶڭٸل بٶلٸنبەي جاتقانىن ايتىپ مەملەكەت باسشىسى قاسىم-جومارت توقاەۆقا حات جازدى.
ول مۇحتار شاحانوۆ الماتى قالاسىنداعى "قالقامان" (№7 قالالىق كلينيكالىق اۋرۋحانا – Sputnik) اۋرۋحاناسىندا ەمدەلٸپ جاتقانىن ايتتى. اۋىرعانىنا بٸر اپتادان اسقانىن, ەمدەۋ شارالارى ەلٸ كٷنگە دەيٸن وڭ نەتيجە بەرمەگەنٸن جەتكٸزگەن بولاتىن. قۇدييار بٸلەل اۋرۋحانا ەكٸمشٸلٸگٸ مۇحتار شاحانوۆتى اۋرۋعا شالدىققانكٶپ ادامنىڭ بٸرٸ رەتٸندە عانا قابىلداپ جاتقانىن ايتتى.
ايتا كەتەيٸك, مۇحتار شاحانوۆ 1942 جىلى 2 شٸلدەدە وڭتٷستٸك قازاقستان وبلىسى وتىرار اۋدانىندا دٷنيەگە كەلگەن. شاحانوۆ 2004 جىلدان بەرٸ "جالىن" جۋرنالىندا باس رەداكتور قىزمەتٸن اتقارىپ كەلەدٸ.
