جەلٸدە دەنيس تەن ورىنداۋىنداعى ەن جارييالاندى

گەككۋ مۋزىكالىق تەلەارناسى ٶمٸردەن ٶتكەن دەنيس تەننٸڭ ورىنداۋىنداعى «She won't be mine» ەنٸن جارييالادى, دەپ حابارلايدى "ۇلت اقپارات".

«دەنيس تەندٸ تالانتتى مۋزىكانت رەتٸندە مەڭگٸ ەستە ساقتايىق. ول جۋىردا ٶزٸنٸڭ جەكە شاعىن البومىن شىعارۋدى جوسپارلاپ جٷرگەن ەدٸ. نازارلارىڭىزعا دەنيستٸڭ «She won't be mine» اتتى ەنٸنٸڭ رەسمي نۇسقاسىن ۇسىنامىز. تۋىندىنى بٸزدٸڭ OfficialGakku تەلەگرام-كانالىمىزدان تىڭداپ ەرٸ جٷكتەۋگە بولادى», - دەپ جازدى مۋزىكالىق تەلەارنا ينستاگرام جەلٸسٸندەگٸ پاراقشاسىندا.

سپورتشىنىڭ ٶزٸ ماۋسىم ايىنىڭ سوڭىندا جاڭا ەن دايىنداپ جاتقانىن حابارلاعان ەدٸ.

ەسكە سالساق, دەنيس تەن بالالىق شاعىندا مۋزىكا, سونداي-اق باسقا دا سپورت تٷرلەرٸمەن اينالىسىپ, تٷپتەپ كەلگەندە, مەنەرلەپ سىرعاناۋدى تاڭداعان. بۇعان دەيٸن دە دەنيس تەن جانكٷيەرلەرٸنە بٸرنەشە ەن ورىنداپ بەرگەن ەدٸ.