سينوپتيكتەر 27 اقپاندا ەل اۋماعىندا اۋا رايى قانداي بولاتىنىن جارييالادى, دەپ حابارلايدى "ۇلت اقپارات" «قازگيدرومەتكە» سٸلتەمە جاساپ.
رەسپۋبليكانىڭ شىعىسىنا انتيتسيكلون ىقپال ەتەدٸ, ال باتىس بٶلٸگٸنە سولتٷستٸك-باتىس تسيكلونى كەلەدٸ.
وسىعان بايلانىستى رەسپۋبليكانىڭ باسىم بٶلٸگٸندە قار جاۋادى.
باتىستا جاڭبىر مەن قار جاۋادى.
تەك ەلٸمٸزدٸڭ وڭتٷستٸك-شىعىسى مەن شىعىسىندا جاۋىن-شاشىن جاۋمايدى.
رەسپۋبليكانىڭ كەي جەرلەرٸندە تۇمان تٷسٸپ, كٶكتايعاق بولادى. بوران سوعىپ, جەل كٷشەيەدٸ.
باتىس قازاقستان, اتىراۋ, اقتٶبە وبلىستارىنىڭ كەي جەرلەرٸندە - جاياۋ بۇرقاسىن, تۇمان, كٶكتايعاق بولادى. جەل ەكپٸنٸ 15-20 م/س دەيٸن كٷشەيەدٸ.
تٷركٸستان وبلىسىنىڭ كەي جەرلەرٸندە بوران سوعادى, تۇمان تٷسەدٸ. كٷندٸز كەي جەرلەردە جەل قارقىنى - 15-20 م/س.
كٷندٸز اقمولا, سولتٷستٸك قازاقستان وبلىستارىنىڭ باتىسىندا بۇرقاسىن كٶتەرٸلەدٸ. كەي جەرلەردە جەل جىلدامدىعى 15-20 م/س جەتەدٸ.
قىزىلوردا وبلىسىنىڭ كەي جەرلەرٸندە تۇمان تٷسٸپ, كٶكتايعاق بولادى. كٷندٸز كەي جەرلەردە جەلدٸڭ كٷشٸ - 15-20 م/س.
جامبىل وبلاسىنىڭ كەي جەرلەرٸندە تۇمان تٷسەدٸ, جەل ەكپٸنٸ 15-20 م/س دەيٸن كٷشەيەدٸ.
قوستاناي, قاراعاندى وبلىستارىنىڭ كەي جەرلەرٸندە تۇمان تٷسەدٸ. كٷندٸز كەي جەرلەردە جەل قارقىنى - 15-20 م/س. قوستاناي وبلىسىنىڭ كەي جەرلەرٸندە بوران سوعادى.
پاۆلودار, شىعىس قازاقستان, ماڭعىستاۋ وبلىستارىنىڭ كەي جەرلەرٸندە تۇمان تٷسەدٸ. ماڭعىستاۋ وبلىسىندا كٶكتايعاق بولجانادى.
سولتٷستٸك قازاقستان, قاراعاندى وبلىستارىنىڭ كەي جەرلەرٸندە تٷندە قاتتى اياز بولادى.
