وڭتٷستٸك افريكالىق بوكسشى سيميسو بۋتحەلەزي دۋرباندا (وار) ٶتكەن جەكپە-جەكتە العان باس ميىنىڭ جاراقاتىنان كٶز جۇمدى, دەپ حابارلايدى Vesti.kz سايتى talkSPORT پورتالىنا سٸلتەمە جاساپ.
ٶتكەن دەمالىستاعى بوكس كەشٸندە ونى رينگتەن بٸردەن اۋرۋحاناعا الىپ كەتكەن ەدٸ. ونىنشى راۋندتا فاۆوريت ەسەپتەلگەن بۋتحەلەزي جەكپە-جەك كەزٸندە ەسٸنەن اداسىپ, اۋانى ۇرا باستاعان. وسى كەزدە تٶرەشٸ ايقاستى بٸردەن توقتاتتى.
ۆيدەوقايتالاۋ بۋتحەلەزي قارسىلاسى سيفەسيحلە منتۋنگۆانىڭ سوققىسىن ٶتكٸزٸپ العانىن كٶرسەتتٸ.
اۋرۋحانادا بوكسشىنى الدىمەن جاساندى كوماعا تٷسٸرۋ كەرەك بولدى, كەيٸن ونىڭ كٶز جۇمعانى بەلگٸلٸ بولدى.
