بىلتىر مەملەكەتتٸك ساتىپ الۋ كەزٸندە شارتتى ٷنەمدەلگەن قاراجات 448 ملرد تەڭگەنٸ قۇرادى. بۇل تۋرالى ونلاين رەجيمدە حالىق الدىندا ەسەپ بەرۋٸ كەزٸندە قارجى مينيسترٸ ەرۇلان جاماۋباەۆ مەلٸم ەتتٸ, دەپ حابارلايدى "ۇلت اقپارات".
«مەملەكەتتٸك اكتيۆتەردٸ باسقارۋعا قاتىستى توقتالساق, 2020 جىلى جەكەشەلەندٸرۋدٸڭ 2016-2020 جىلدارعا ارنالعان كەشەندٸ جوسپارى اياقتالدى. بىلتىر 101,1 ملرد تەڭگەگە 12 وبەكت ساتىلدى. نەتيجەسٸندە, مەملەكەتتٸڭ ەكونوميكاداعى ٷلەسٸ 2015-2020 جىلدار اراسىندا جالپى ٸشكٸ ٶنٸمگە قاتىستى 19,1 پايىزدان 15 پايىزعا دەيٸن قىسقاردى», - دەدٸ ە. جاماۋباەۆ.
وسى ورايدا ول جەكەشەلەندٸرۋ رەسٸمدەرٸن وڭايلاتۋ جەنە جەدەلدەتۋ ماقساتىندا تيٸستٸ زاڭنامالىق اكتٸلەر قابىلدانعانىن ەسكە سالدى.
سونىمەن قاتار ۆەدومستۆو باسشىسى مەملەكەتتٸك ساتىپ الۋ پروتسەسٸنە توقتالدى.
«بيۋدجەتتٸ اتقارۋدىڭ ماڭىزدى قۇرامداس بٶلٸكتەرٸنٸڭ بٸرٸ مەملەكەتتٸك ساتىپ الۋ بولىپ سانالادى. بٷگٸندە ونىڭ بٷكٸل پروتسەسٸ اۆتوماتتاندىرىلعان. ۆەب-پورتالدا 109 مىڭنان استام ٶنٸم بەرۋشٸ مەن 24 مىڭ تاپسىرىس بەرۋشٸ تٸركەلگەن. مەملەكەتتٸك ساتىپ الۋ كٶلەمٸ 2019 جىلمەن سالىستىرعاندا 30 پايىزعا ٶسٸپ, 5,9 ترلن تەڭگەدەن استام سومانى قۇرادى. ٶتكەن جىلى مەملەكەتتٸك ساتىپ الۋ كەزٸندە شارتتى ٷنەمدەلگەن قاراجات 448 ملرد تەڭگەنٸ قۇرادى. جالپى سوڭعى 3 جىلدا ٷنەمدەۋ 1 ترلن تەڭگەدەن استام بولدى», - دەدٸ مينيستر.
