«قازاقستان حالىق پارتيياسى» فراكتسيياسى سالىمشىلاردىڭ زەينەتاقى جيناعىن تۇرعىن ٷي جاعدايىن جاقسارتۋ ٷشٸن پايدالانۋ جوباسىنىڭ ارالىق قورىتىندىسىن شىعارۋ ماڭىزدى دەپ سانايدى. بۇل تۋرالى مەجٸلٸستٸڭ جالپى وتىرىسىندا دەپۋتات ايقىن قوڭىروۆ مەلٸم ەتتٸ, دەپ حابارلايدى "ۇلت اقپارات".
«313 مىڭنان استام ازاماتتىڭ ارنايى شوتىنا 1 ترلن 400 ملرد تەڭگە اۋدارىلدى. ولاردىڭ بارلىعى ٶزدەرٸنٸڭ زەينەتاقى جيناعىن كەدەلەرٸنە جاراتتى. بۇل جوبا تۇتاس ەكونوميكاعا ەسەر ەتتٸ. بۇدان 2 مەگاپوليستەگٸ قۇرىلىس يەلەرٸ مەن بانكتەر پايدا كٶردٸ. الايدا حالىقتىڭ باسپاناعا قولجەتٸمدٸلٸگٸ ارتقان جوق. مەسەلە جٷيەلٸ تٷردە شەشٸلمەدٸ. تۇرعىن ٷي مەسەلەسٸ ۋشىعىپ كەتتٸ. جالپى ەكونوميكالىق ٶسٸمدٸ ىنتالاندىرۋ باستاماسى دا ناقتى نەتيجە بەرمەدٸ. كەرٸسٸنشە, تۇرعىن ٷي مەن قۇرىلىس ماتەريالدارىنىڭ باعاسى شارىقتاۋى سالدارىنان سالاعا جاعىمسىز ەسەر ەتٸپ, ينفلياتسييانىڭ ٷدەۋٸنە دە ىقپالى بولدى. زەينەتاقى ناۋقانى باستالعاننان بەرٸ (2021 جىلعى 1 قاڭتار) قازاقستان رەسپۋبليكاسىنداعى پەتەر باعاسى 8,3% -عا قىمباتتادى. 2020 جىلعى مامىردان 2021 جىلعى مامىرعا دەيٸنگٸ ارالىقتاعى ٶسٸم شامامەن 22% -دى قۇرادى», - دەدٸ ا. قوڭىروۆ پرەمەر-مينيستردٸڭ ورىنباسارى رومان سكلياردىڭ اتىنا جولداعان ساۋالىندا.
ونىڭ ايتۋىنشا, مونوپوليياعا قارسى اگەنتتٸك باعانى رەتتەۋگە تىرىسۋدا. الايدا باعانىڭ ٶسۋٸ مەملەكەتتٸڭ ٸس-ەرەكەتٸنەن ەمەس, بجزق-دان الىناتىن بٸرجولعى زەينەتاقى جيناعى تاۋسىلعاندا توقتايدى.
«دٷرلٸكپە سۇرانىستىڭ ەلەۋەتٸ وتاندىق ٶنەركەسٸپتٸ دامىتۋ ٷشٸن پايدالانىلمادى. ۇلتتىق ستاتيستيكا بيۋروسىنىڭ دەرەگٸنشە, وتاندىق ٶندٸرٸس تابيعي شيكٸزات بولىپ سانالاتىن قۇرىلىس ماتەريالدارى رەسۋرستارىندا عانا باسىم بولدى. سوندىقتان زەينەتاقى جيناعىمەن كٶبٸنەسە شەتەلدٸك جەتكٸزۋشٸلەر مەن وتاندىق دەلدالدار ينۆەستيتسييالاندى. تۇرعىن ٷي جاعدايىن جاقسارتۋ ٷشٸن زەينەتاقى جيناعىن پايدالانۋ جوباسىن جالعاستىرا وتىرىپ, ەكٸنشٸ كەزەڭدە قوسىمشا جٷيەلٸ شارالاردى ٸسكە قوسۋ ماڭىزدى دەپ سانايمىز. ول جەكە توپتارعا ەمەس, بٷكٸل قوعامعا ارنالۋى كەرەك. قازاقستان حالىق پارتيياسى جەكە تۇرعىن ٷي قۇرىلىسىن دامىتۋعا باعىتتالعان «جەر ٷي» باعدارلاماسىن ٸسكە قوسۋدى قاجەت دەپ سانايدى», – دەدٸ دەپۋتات.
وسى ورايدا ول مەملەكەت قازاقستاندىقتاردىڭ باسىم بٶلٸگٸن ساپالى ەرٸ قولجەتٸمدٸ تۇرعىن ٷيمەن قامتاماسىز ەتۋگە باسىمدىق بەرۋگە تيٸس دەپ ەسەپتەيدٸ.
«جەر ٷي» جەكە تۇرعىن ٷي قۇرىلىسىن دامىتۋ باعدارلاماسى قاجەتتٸ قۇرىلىس ماتەريالدارىنىڭ, ٸلەسپە تاۋارلار مەن كٶرسەتٸلەتٸن قىزمەتتەردٸڭ وتاندىق ٶندٸرٸسٸن دامىتۋ جٶنٸندەگٸ شارالارمەن سٷيەمەلدەنۋٸ تيٸس», - دەدٸ ايقىن قوڭىروۆ.
