فوتو: Pexels.com
جەكە مەكتەپتەردە وقيتىن از قامتىلعان وتباسى بالالارىنا مەملەكەت تاراپىنان وقۋ قۇرالدارىن الۋعا قارجىلاي قولداۋ كٶرسەتٸلەدٸ, دەپ حابارلايدى Ult.kz.
بٷگٸن قر پارلامەنتٸ سەناتى بٸلٸم جەنە بالا قۇقىقتارىن قورعاۋ مەسەلەلەرٸ جٶنٸندەگٸ زاڭدى ماقۇلدادى. قر وقۋ-اعارتۋ مينيسترلٸگٸ باستاماشىلىق ەتكەن جاڭا زاڭ جوباسىندا جەكەمەنشٸك مەكتەپتەردە وسال وتباسىلار ساناتىنداعى بالالارعا ەلەۋمەتتٸك كٶمەك كٶرسەتۋدٸ ەنگٸزۋ كٶزدەلگەن.
زاڭ جوباسىندا بەس نوۆەللا ۇسىنىلدى, ونىڭ بٸرەۋٸ جەكەمەنشٸك مەكتەپتەردە وقيتىن از قامتىلعان وتباسىلار بالالارىنا قاتىستى. وندا ەڭ تٶمەنگٸ كٷنكٶرٸس دەڭگەيٸنەن تٶمەن ەمەس مٶلشەردە قاجەتتٸ مەكتەپ كەرەك-جاراقتارىمەن قامتاماسىز ەتۋگە باعىتتالعان نورمالار كٶزدەلگەن.
«بۇعان دەيٸن كٶمەك تەك مەملەكەتتٸك مەكتەپتەردٸڭ وقۋشىلارىنا عانا بەرٸلەتٸن, ال ەندٸ جەكە مەكتەپتەردە وقيتىن بالالار دا وسىنداي كٶمەك الاتىن بولادى. بۇل مەكتەپتٸڭ مەنشٸك نىسانىنا قاراماستان, بارلىق بالالار ٷشٸن بٸلٸم بەرۋدٸڭ تەڭ مٷمكٸندٸكتەرٸن قامتاماسىز ەتۋگە باعىتتالعان ماڭىزدى قادام», - دەپ اتاپ ٶتتٸ قر وقۋ-اعارتۋ ۆيتسە-مينيسترٸ ەدٸل وسپان.
ايتا كەتەيٸك, بيىلعى جىلى ەلەۋمەتتٸك وسال وتباسىلاردان شىققان 510 مىڭنان استام بالا مەملەكەتتەن كيٸم-كەشەك, وقۋ قۇرالدارىن ساتىپ الۋ ٷشٸن قارجىلاي قولداۋ الدى. بۇعان دەيٸن وقۋ-اعارتۋ مينيسترلٸگٸ كٶمەك كٶرسەتۋ مەحانيزمٸن جاقسارتۋ ماقساتىندا اتا-انالاردىڭ ەسەپشوتتارىنا قاراجات اۋدارۋ شارالارىن ەنگٸزگەن ەدٸ. كٶمەك الۋ ٷشٸن اتا-انا الدىمەن بالاسىنىڭ وقيتىن مەكەمەسٸنە تيٸستٸ ٶتٸنٸش بەرۋٸ قاجەت.
