ٶتكەن اپتادا ەلٸمٸزدە جەدەل جەردەم كٶلٸگٸن شاقىرتۋشىلار سانى كٷرت ارتتى. بۇل تۋرالى ۇلتتىق شۇعىل مەديتسينانى ٷيلەستٸرۋ ورتالىعى باسقارما تٶراعاسىنىڭ مٸندەتٸن اتقارۋشى باۋىرجان جٷسٸپوۆ ايتتى, دەپ حابارلايدى قازاقپارات.
«وسى جىلدىڭ 5 ايىندا جەدەل كٶمەك بريگادالارىمەن 3 ملن-نان استام شاقىرتۋ بويىنشا كٶمەك كٶرسەتٸلدٸ. جالپى, رەسپۋبليكا بويىنشا جەدەل مەديتسينالىق كٶمەك بريگادالارى كٷنٸنە 18 مىڭ شاقىرتۋعا شىقتى. سونىمەن قاتار وسى جىلدىڭ ماۋسىم ايىندا جەدەل كٶمەك شاقىرتۋلاردىڭ 10 پايىزعا ٶسكەنٸ بايقالادى. ونىڭ ٸشٸندە ايتارلىقتاي ٶسٸم ماۋسىمنىڭ 15-22-سٸ ارالىعىندا تٸركەلدٸ. بۇل كٷندەرٸ جەدەل كٶمەك بريگادالارى تەۋلٸگٸنە 22 مىڭنان استام شاقىرتۋلارعا قىزمەت كٶرسەتتٸ», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, ٶڭٸرلەر بٶلٸنٸسٸندە شاقىرتۋلاردىڭ ٶسۋٸ اقتٶبە, قىزىلوردا وبلىستارىندا, شىمكەنت, الماتى جەنە نۇر-سۇلتان قالالارىندا بايقالىپ وتىر.
«وسىعان بايلانىستى جەدەل كٶمەك بريگاداسىنىڭ شاقىرتۋ ورنىنا دەيٸن كەلۋ ۋاقىتى 12 مينۋتتان 13 مينۋتقا ارتقانى بايقالادى. بۇل رەتتە ايتا كەتۋ كەرەك, بەكٸتٸلگەن ەرەجەگە سەيكەس كەلۋ ۋاقىتى شاقىرتۋلاردىڭ جەدەلدٸك ساناتىنا بايلانىستى. ياعني, ناۋقاستىڭ ٶمٸرٸنە نەمەسە دەنساۋلىعىنا قاۋٸپ تٶنگەن جاعدايدا جەدەل مەديتسينالىق كٶمەك بريگادالارىنىڭ كەلۋ ۋاقىتى 10-15 مينۋتتان اسپاۋى تيٸس. ال پاتسيەنتتٸڭ ٶمٸرٸنە نە دەنساۋلىعىنا ايقىن قاۋٸپ بولماعان جاعدايدا كەلۋ ۋاقىتى 60 مينۋتقا دەيٸن ٶزگەرەدٸ», - دەدٸ باۋىرجان جٷسٸپوۆ.
