قازاقستان جازۋشىلار وداعى باسقارماسىنىڭ تٶراعاسى, اقىن ۇلىقبەك ەسدەۋلەت 7 ماۋسىم كٷنٸ الاشتىڭ رۋحاني استاناسى – سەمەي قالاسىنىڭ زييالى قاۋىم ٶكٸلدەرٸمەن, شىعارماشىلىق جاستارمەن كەزدەستٸ.
بەلگٸلٸ قالامگەر مەدەۋ سەرسەكە, جازۋشىلار وداعىنىڭ شىعىس قازاقستان وبلىستىق فيليالىنىڭ جەتەكشٸسٸ, اقىن ەلٸبەك قاڭتارباەۆ, قوعام قايراتكەرٸ تٷسٸپحان تٷسٸپبەكوۆ قاتىسقان كەزدەسۋدە ۇ.ەسدەۋلەت شاھارداعى زييالى قاۋىمعا وداقتىڭ قولعا الىپ جاتقان جۇمىستارىن, الداعى جوسپارلارىن تانىستىردى. بٷگٸندە وداقتاعى 800-دەن استام جازۋشىنىڭ 500-ٸ زەينەتكەر ەكەندٸگٸن, سوندىقتان ۇيىمعا تالانتتى جاستاردى مٷشەلٸككە الۋ جاعىنا كٶڭٸل بٶلٸنٸپ جاتقاندىعىن ايتا كەلٸپ, سەمەيلٸك جاس اقىن مەرەي قارتوۆقا جازۋشىلار وداعىنىڭ مٷشەلٸك بيلەتٸن تابىس ەتتٸ.
جازۋشىلار وداعىنىڭ سەمەي قالالىق فيليالىن كٶپ جىلدار كٶرنەكتٸ ابايتانۋشى تٶكەن يبراگيموۆ باسقارعانى بەلگٸلٸ. جيىندا وسى فيليالدى جانداندىرۋ, وعان جاڭا باسشى تاعايىنداۋ جايىندا دا سٶز قوزعالىپ, قازاقتىڭ تالانتتى اقىنى تىنىشتىقبەك ەبدٸكەكٸموۆ, دراماتۋرگ ايبەك ساپىشەۆ فيليال جەتەكشٸلٸگٸنە جاس اقىن مەرەي قارتوۆتىڭ كانديداتۋراسىن ۇسىندى. باسقارما تٶراعاسى ۇلىقبەك ەسدەۋلەت ەلٸمٸزدٸڭ بٸرنەشە وبلىستارىندا وداق فيليالدارىنىڭ باسشىلارى ٶز تٸلەكتەرٸمەن اۋىستىرىلىپ جاتقانىنا توقتالىپ, سەمەي قالالىق فيليالىنىڭ جەتەكشٸسٸنە قاتىستى ۇسىنىستى قولدايتىندىعىن جەتكٸزدٸ.
باسقوسۋدا سٶز العان فيلولوگييا عىلىمدارىنىڭ دوكتورى اراپ ەسپەنبەتوۆ: «سەمەيدە جازۋشىلار وداعىنىڭ فيليالى بولۋى كەرەك دەگەنگە دۇرىس قارايمىن. دەستٷرلٸ جەر عوي بۇل. ساباقتاستىق ٷزٸلە قويماس. قالادا تالانتتى جاستار از ەمەس. ولاردىڭ كٸتاپتارىن شىعارىپ, جازۋشىلار وداعىنا مٷشەلٸككە ٶتۋلەرٸنە قولعابىس جاساعانىمىز جٶن. قازٸرگٸ جاعداي نەنٸ كٶرسەتەدٸ? «مەن جازۋشىمىن» دەگەننەن ەشتەڭە شىقپايدى. قازٸر ۇيىمداستىرۋشى كەرەك. جازۋشىعا جاعداي جاسايتىن ادام كەرەك. مەنەدجەر كەرەك» دەي كەلە, سەمەيدە قولعا الىنىپ جاتقان «اباي ەلەمٸ» اتتى كٸتاپتار سەريياسىنىڭ بٸر كٸتابىنا تالانتتى جاستاردىڭ دٷنيەلەرٸ توپتاستىرىپ بەرٸلسە دەگەن ۇسىنىسىن العا تارتتى.
شىعىس قازاقستانعا جۇمىس ساپارىمەن كەلگەن قازاقستان جازۋشىلار وداعى باسقارماسىنىڭ تٶراعاسى ۇلىقبەك ەسدەۋلەتتٸ 8 ماۋسىمدا سەمەي قالاسىنىڭ ەكٸمٸ ەرماك سەلٸموۆ ارنايى قابىلدادى. كەزدەسۋدە ۇ.ەسدەۋلەت وداقتىڭ سەمەيدەگٸ فيليالىنىڭ جاڭا باسشىسى مەرەي قارتوۆتى ەكٸمگە تانىستىردى. ە.سەلٸموۆ فيليالعا قولدان كەلگەن كٶمەگٸن ايامايتىنىن تٸلگە تيەك ەتتٸ. كەزدەسۋ بارىسىندا وسىنداعى اباي مۋزەيٸنٸڭ ديرەكتورى بولات جٷنٸسبەكوۆ فيليالعا مۋزەي ٸشٸنەن كونفەرەنتسييا زالى بار جايلى دا قولايلى ورىن بەرۋگە ەزٸر ەكەندٸگٸن, ال شەكەرٸم ۋنيۆەرسيتەتٸنٸڭ باسشىلىعى فيليالدى قاجەتتٸ جابدىقتارمەن جابدىقتاۋعا جەردەمدەسەتٸنٸن ايتتى.
رەتٸ كەلگەندە ايتا كەتەيٸك, 7 ماۋسىمدا سەمەيدەگٸ شەكەرٸم اتىنداعى ۋنيۆەرسيتەتتە ۇلىقبەك ەسدەۋلەتتٸڭ «اققۋ سىر, قاۋىرسىن ناز, قاناتتى ٶلەڭ» اتتى جاستارمەن كەزدەسۋ كەشٸ ٶتٸپ, كەش اياسىندا وقۋ ورىنىڭ رەكتورى مەيٸر ەسكەندٸروۆتٸڭ ۇيعارىمىمەن بيىل مەكتەپ بٸتٸرگەن ٷش تالانتتى جاسقا اقىن اتىنداعى بٸلٸم گرانتى سالتاناتتى تٷردە تاپسىرىلدى.
ا.ەبٸل
