اقتٶبە وبلىستىق پروكۋراتۋراسى جازاسىن ٶتەپ شىققاندار مەن پروباتسييالىق باقىلاۋدا جٷرگەندەردٸ جۇمىسپەن قامتۋ مەسەلەسٸن قوزعادى, دەپ حابارلايدى قازاقپارات.
وبلىستىق پروكۋراتۋرادا زاڭدىلىقتى قامتاماسىز ەتۋ جٶنٸنەن ٷيلەستٸرۋ كەڭەسٸنٸڭ وتىرىسى ٶتتٸ. وعان بارلىق دەڭگەيدەگٸ ەكٸمدٸكتەر, قىلمىستىق اتقارۋ جٷيەسٸ دەپارتامەنتٸ مەن وبلىستىق پوليتسييا, ٷكٸمەتتٸك ەمەس ۇيىمدار ٶكٸلدەرٸ قاتىستى. كەڭەستە پروباتسييا قىزمەتٸنٸڭ ەسەبٸندە تۇرعان ادامداردى جۇمىسقا ورنالاستىرۋ مەسەلەلەرٸ قارالدى.
«جىل باسىنان بەرٸ 3176 سوتتالۋشى پروباتسييا باقىلاۋىنا الىندى. ونىڭ 66-ى قايتا قىلمىس جاساعان. سارالاي كەلە قىلمىس جاساعان ادامداردىڭ 54% جۇمىسسىز جٷرگەن بولىپ شىقتى. جازاسىن ٶتەپ شىققانداردىڭ 15% العاشقى ٷش-تٶرت ايدا قايتا قىلمىس جاسايدى. نەگٸزٸندە وسى كەزدە ولار جۇمىس ٸزدەپ جٷرەدٸ جەنە قولى بوس بولعاندىقتان قاتەلٸككە ۇرىنادى. بارلىق مەكەمە بٸرٸگٸپ, ولاردىڭ جۇمىسقا ورنالاسۋىنا باسا نازار اۋدارۋى تيٸس. وبلىس پروكۋراتۋراسى سوتتالعانداردى جۇمىسقا ورنالاستىرۋ جٶنٸنەن جاۋاپتى مەملەكەتتٸك ورگاندار جۇمىسىنىڭ تيٸمدٸلٸگٸن زەردەلەدٸ. تالداۋ كٶرسەتكەندەي, اتالعان باعىتتا كٷردەلٸ كەمشٸلٸكتەر بار. مەملەكەتتٸك اپپاراتتىڭ ساپاسىز جۇمىسى, ناقتى بەكٸتٸلگەن ۇيىمداردىڭ جۇمىسقا قابىلداۋ جٶنٸنەن جٷكتەلگەن مٸندەتتەرٸن ورىنداماۋى, سوتتالعانداردىڭ ٶزدەرٸ ۇسىنعان جۇمىسقا بارماۋى دا جۇمىستىڭ جٷيەسٸزدٸگٸن كٶرسەتەدٸ», - دەپ حابارلادى وبلىستىق پروكۋراتۋرانىڭ باسپاسٶز قىزمەتٸ. ايتا كەتەيٸك, اقتٶبە قالاسىنىڭ استانا جەنە الماتى اۋداندارىندا ەسەپتە تۇرىپ, جۇمىسقا ورنالاسقان 247 ادامنىڭ زەينەتاقى اۋدارىمدارى جاسالماعان. وسى جىلى وبلىس بويىنشا پروباتسييا ەسەبٸندە تۇرعاندار ٷشٸن 483 جۇمىس ورنىنا كۆوتا بەرٸلگەن, بٸراق ول تيٸستٸ دەرەجەدە ورىندالماي وتىر. تٸپتٸ بٸرقاتار اۋداندار كۆوتامەن بٸر دە بٸر سوتتالۋشىنى جۇمىسقا ورنالاستىرماعان. ەرٸ 150-دەن استام سوتتالۋشى ۇسىنىلعان جۇمىس ورىندارىنان باس تارتقان.
