بٷگٸن ٷكٸمەت وتىرىسىندا پرەمەر-مينيستر اسقار مامين بارلىق دەڭگەيدەگٸ ەكٸمدەر ۆاكتسيناتسييا مەسەلەسٸن جەكە باقىلاۋعا الۋى تيٸس ەكەنٸن ايتتى, دەپ حابارلايدى "ۇلت اقپارات".
«جالپى سانيتارييالىق-ەپيدەميولوگييالىق جاعداي جاقساردى. ۆيرۋس جۇقتىرۋ دەڭگەيٸ تٶمەندەپ كەلەدٸ, بٸر اپتادا 30 پايىزعا ازايدى. ەلوردا عانا «قىزىل» ايماقتا قالدى. وسى رەتتە, ەكٸمدٸك قوسىمشا شارالار قابىلداۋى كەرەك. جالپى 10 ٶڭٸر, ياعني باسىم بٶلٸگٸ «جاسىل» ايماقتا, 6 ٶڭٸر «سارى» ايماقتا. تۇرعىنداردىڭ ۆاكتسينا الۋى مەن ەپيدەميياعا قارسى جٷرگٸزٸلگەن شارالاردىڭ نەتيجەسٸندە قازاقستان «جاسىل» ايماققا كٸردٸ», - دەدٸ ا. مامين.
ونىڭ ايتۋىنشا, بٷگٸنگٸ كٷنٸ 2,4 ميلليونعا جۋىق ادام ۆاكتسينانىڭ بٸرٸنشٸ كومپونەنتٸن جەنە شامامەن 1,3 ميلليون ادام ەكٸنشٸ كومپونەنتٸن الدى.
«ەكٸمدٸكتەر مەن دەنساۋلىق ساقتاۋ مينيسترلٸگٸ جاز كەزٸندە ۆاكتسينالاۋ قارقىنىن بارىنشا ۇلعايتۋى قاجەت, ەسٸرەسە ماڭعىستاۋ, اقمولا, قوستاناي وبلىستارى مەن نۇر-سۇلتان قالاسىندا. بارلىق دەڭگەيدەگٸ ەكٸمدەر ۆاكتسيناتسييا مەسەلەسٸن جەكە باقىلاۋعا الۋى تيٸس», - دەدٸ ٷكٸمەت باسشىسى.
بۇدان بۇرىن دەنساۋلىق ساقتاۋ مينيسترٸ الەكسەي تسوي قازاقستاندا كوروناۆيرۋس ينفەكتسيياسىن جۇقتىرۋ جاعدايلارى تٶمەندەپ كەلە جاتقانىن ايتقان بولاتىن.
