Búgin Úkimet otyrysynda Premer-Ministr Asqar Mamin barlyq deńgeidegi ákimder vaktsinatsiia máselesin jeke baqylaýǵa alýy tiis ekenin aitty, dep habarlaidy "Ult aqparat".
«Jalpy sanitariialyq-epidemiologiialyq jaǵdai jaqsardy. Virýs juqtyrý deńgeii tómendep keledi, bir aptada 30 paiyzǵa azaidy. Elorda ǵana «qyzyl» aimaqta qaldy. Osy rette, ákimdik qosymsha sharalar qabyldaýy kerek. Jalpy 10 óńir, iaǵni basym bóligi «jasyl» aimaqta, 6 óńir «sary» aimaqta. Turǵyndardyń vaktsina alýy men epidemiiaǵa qarsy júrgizilgen sharalardyń nátijesinde Qazaqstan «jasyl» aimaqqa kirdi», - dedi A. Mamin.
Onyń aitýynsha, búgingi kúni 2,4 millionǵa jýyq adam vaktsinanyń birinshi komponentin jáne shamamen 1,3 million adam ekinshi komponentin aldy.
«Ákimdikter men Densaýlyq saqtaý ministrligi jaz kezinde vaktsinalaý qarqynyn barynsha ulǵaitýy qajet, ásirese Mańǵystaý, Aqmola, Qostanai oblystary men Nur-Sultan qalasynda. Barlyq deńgeidegi ákimder vaktsinatsiia máselesin jeke baqylaýǵa alýy tiis», - dedi Úkimet basshysy.
Budan buryn Densaýlyq saqtaý ministri Aleksei Tsoi Qazaqstanda koronavirýs infektsiiasyn juqtyrý jaǵdailary tómendep kele jatqanyn aitqan bolatyn.
