مەملەكەت باسشىسى قاسىم-جومارت توقاەۆ جايىق ٶزەنٸنٸڭ ەكولوگييالىق جاعدايىنا قاتىستى تاپسىرما بەردٸ, - دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«جايىقتىڭ تارتىلۋى جۇرتتى قاتتى الاڭداتىپ وتىر. دارييانىڭ دەڭگەيٸ سوڭعى جىلدارى تٶمەندەپ كەتتٸ. ٶزەن اڭعارىنىڭ ەكولوگييالىق احۋالى كٷرت ناشارلاپ, لاستانۋ كٶرسەتكٸشٸ بويىنشا ەڭ سوڭعى, ياعني بەسٸنشٸ دەرەجەگە جەتتٸ. مەن وسى كٷردەلٸ مەسەلەنٸ بٸرنەشە رەت حالىقارالىق دەڭگەيدە كٶتەردٸم.
قازاقستان مەن رەسەيدٸڭ اراسىندا بٸرقاتار كەلٸسٸم-شارتقا قول قويىلدى. ەكولوگييانى, ترانسشەكارالىق ٶزەندەردٸڭ بيوەلەمٸن ساقتاۋ جەنە ونى تيٸمدٸ پايدالانۋ تەرتٸبٸن رەتتەيتٸن قۇقىقتىق نەگٸز بار. كٶرشٸ ەلمەن وسى باعىتتاعى ەرٸپتەستٸكتٸ نىعايتىپ, كەلٸسٸمدەردٸڭ مٷلتٸكسٸز ورىندالۋىنا كٷش سالۋ كەرەك. بۇل ٸستە بەرٸن وسى ٶڭٸردەگٸ مەملەكەتتەردٸڭ ٶكٸلدەرٸنە عانا جٷكتەپ قويۋعا بولمايدى.
ساراپشىلار, كەسٸپكەرلەر, ٷكٸمەتتٸك ەمەس ۇيىمدار جەنە قوعام بەلسەندٸلەرٸ دە ٶز مٸندەتٸن اتقارۋعا تيٸس. جايىقتى ساقتاۋعا بەرٸمٸز كٷش جۇمىلدىرۋىمىز كەرەك. ەكولوگييالىق احۋالدىڭ ناشارلاۋى كٶپتەگەن سالاعا كەسٸرٸن تيگٸزەدٸ. ناقتى شارالاردى بٷگٸن قابىلداماساق, ەرتەڭ كەش بولۋى مٷمكٸن. سوندىقتان تابيعاتتى قورعاۋعا قاتىستى كەز-كەلگەن زاڭ بۇزۋشىلىقتىڭ جولىن كەسۋ كەرەك.
ٶزەننٸڭ اڭعارىن تٷگەل تەكسەرٸپ, ونداعى نىسانداردىڭ زاڭدىلىعىن مۇقييات قاراۋ قاجەت. جايىق ٶزەنٸنٸڭ بويىن تازالاپ, ەكوجٷيەنٸ قالپىنا كەلتٸرۋ ٷشٸن ناقتى شارالار قابىلداۋ كەرەك. بۇل – وبلىس ەكٸمٸنٸڭ جەنە ٷكٸمەتتٸڭ تٸكەلەي مٸندەتٸ» - دەدٸ پرەزيدەنت اتىراۋ جۇرتشىلىعىمەن كەزدەسۋدە.
