جايىق ٶزەنٸنە 7 ملن-نان استام بەكٸرە تۇقىمداس بالىقتىڭ شاباعى جٸبەرٸلدٸ, دەپ حابارلايدى "ۇلت اقپارات".
«بەكٸرە تۇقىمداس بالىق تٷرلەرٸن ساقتاۋ جەنە ولاردى تۇراقتى پايدالانۋدى رەتتەۋ ماقساتىندا ارنالعان بالىق رەسۋرستارىنىڭ ٶسٸمٸن مولايتۋ جٶنٸندەگٸ مەملەكەتتٸك تاپسىرىس شەڭبەرٸندە اتىراۋ بەكٸرە بالىق ٶسٸرۋ زاۋىتى مەن جايىق-اتىراۋ بەكٸرە بالىق ٶسٸرۋ زاۋىتى جايىق ٶزەنٸنە 7 ملن اسا بەكٸرە تۇقىمداس بالىعىنىڭ شاباعىن جٸبەردٸ.
2020 جىلعى مەملەكەتتٸك تاپسىرىس شەڭبەرٸندە 75 ملن دانا قۇندى بالىق تٷرلەرٸنٸڭ شاباقتارىن تابيعي مەكەندەۋ ورتاسىنا جٸبەرۋ كٶزدەلٸپ وتىر», دەپ جازدى ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ورمان شارۋاشىلىعى مەن جانۋارلار دٷنيەسٸ كوميتەتٸنٸڭ باسپاسٶز حاتشىسى سەكەن دٸلداحمەت Facebook پاراقشاسىندا.
ونىڭ ايتۋىنشا, جىل باسىنان بەرٸ رەسپۋبليكانىڭ سۋ قويمالارىنا 51,5 ملن-نان اسا قۇندى بالىق تٷرلەرٸنٸڭ شاباقتارى جٸبەرٸلدٸ, ونىڭ ٸشٸندە 7 ملن-نان استام بەكٸرە تۇقىمداس بالىق بار. مەملەكەتتٸك تاپسىرىستى قازان ايىندا اياقتاۋ جوسپارلانىپ وتىر.
