جاياۋ پاترۋلدەگٸ جىلدام ەرەكەت ەتۋ ارنايى جاساعىنىڭ ساربازى 14 جاستاعى بالانى سۋدان قۇتقاردى, دەپ حابارلايدى "ۇلت اقپارات".
پد حابارلاۋىنشا, 14 جاستاعى رومان جەنە ونىڭ دوستارى ەسەنتاي ٶزەنٸنٸڭ جاعاسىندا سەرۋەندەگەن.
«بالا پاراپەتتٸڭ ەكٸنشٸ جاعىنا ٶتپەك بولدى, بٸراق, ٶكٸنٸشكە وراي, سٷرٸنٸپ, سۋعا قۇلاپ تٷستٸ. وسى سەتتە بۇل ايماقتا تەرتٸپتٸ قاداعالاۋ ٷشٸن جەدەل ەرەكەت ەتۋ وتريادىنىڭ ينسپەكتورى اسقار تورتاي مەن ۋچاسكەلٸك ينسپەكتور رۋسلان قاليەۆ قىزمەت ەتٸپ جٷرگەن. باتىپ بارا جاتقان بالانى كٶرگەن اعا لەيتەنانت تورتاي بٸردەن سۋعا سەكٸرٸپ, روماندى شىعارىپ الدى. بالا امان, اتا-اناسىنا تاپسىرىلدى», – دەدٸ الماتى قالالىق پوليتسييا دەپارتامەنتٸ باستىعىنىڭ بٸرٸنشٸ ورىنباسارى نۇرلان الماسبەكوۆ.
«كٶمەكتەسكەن پوليتسييا قىزمەتكەرلەرٸنە ٷلكەن راحمەت. جاقىن ماڭدا بولعان وار دەر كەزٸندە كٶمەكتەسكەن. بالانىڭ جاعدايى جاقسى», – دەيدٸ العىسىن جاۋدىرعان روماننىڭ اناسى.
