سۋرەت اشىق دەرەككٶزدەن الىندى
جۋرناليستەر قورعانىس مينيسترلٸگٸنٸڭ ٶكٸلدەرٸنەن قازاقستان ارميياسىنداعى ەسكەري ساربازدار قازاسىنىڭ ارتۋىنا قانداي جاۋاپكەرشٸلٸك جٷكتەلەتٸنٸن سۇرادى, - دەپ حابارلايدى Massaget.kz پورتالى.
"جىل باسىنان بەرٸ قارۋلى كٷشتەردە ەسكەري قىزمەتشٸلەردٸڭ ٶلٸمٸنە قاتىستى بٸرنەشە وقيعا تٸركەلدٸ. كٶپشٸلٸك مۇنى ەسكەردەگٸ "دەدوۆششينامەن" بايلانىستىرادى. قورعانىس مينيسترلٸگٸ بەيبٸت ۋاقىتتا ەسكەري قىزمەتشٸلەردٸڭ ٶلٸمٸنە جاۋاپتى ما?" - دەپ سۇرادى جۋرناليست وكق بريفينگٸندە.
قورعانىس مينيسترٸنٸڭ ورىنباسارى سۇلتان كامالەدينوۆ قارۋلى كٷشتەردە مۇنداي وقيعالاردىڭ بارىن مويىندادى.
"بٸراق ايتا كەتەتٸن جايت, قارۋلى كٷشتەر - قوعامنىڭ بٸر بٶلشەگٸ. قوعامدا بولىپ جاتقان بارلىق پروتسەسc قارۋلى كٷشتەردە دە جٷرٸپ جاتىر. جاڭا عانا سٸز اتاپ ٶتكەن نەرسە بولىپ جاتىر. بٸراق بٸز ناقتى انىقتاۋىمىز كەرەك: بٸز قارۋلى كٷشتەردٸڭ, باسقا دا ەسكەري قۇرامالاردىڭ قۇرىلىمىنا تەك قورعانىس مينيسترلٸگٸ مەن قورعانىس مينيسترلٸگٸنە باعىناتىن ەسكەري بٶلٸمدەرگە عانا جاۋاپ بەرە الامىز", - دەدٸ ول.
ول ٸشكٸ ٸستەر مينيسترلٸگٸنە, ۇلتتىق قاۋٸپسٸزدٸك كوميتەتٸنە, تٶتەنشە جاعدايلار مينيسترلٸگٸنە جەنە مەملەكەتتٸك كٷزەت قىزمەتٸنە باعىنىستى ەسكەري بٶلٸمدەر بارىن, ولاردا ەسكەري قىزمەت كٶرسەتٸلەدٸ, ال قورعانىس مينيسترلٸگٸ ولارعا جاۋاپ بەرمەيتٸنٸن تٷسٸندٸردٸ.
قورعانىس مينيسترلٸگٸ تەربيە جەنە يدەولوگييالىق جۇمىس دەپارتامەنتٸ باسشىسىنىڭ مٸندەتٸن اتقارۋشى سەرٸك بۋرامباەۆ تا مەسەلەگە قاتىستى پٸكٸر بٸلدٸردٸ.
"يە, جاۋاپكەرشٸلٸك بٸزدٸڭ موينىمىزدا. ەربٸر قازا تەك تۋعان-تۋىستارى مەن جاقىندارىنىڭ عانا ەمەس, بٷكٸل قارۋلى كٷشتەردٸڭ قايعىسى مەن شىعىنى. سونىمەن قاتار, تٶمەنگٸ بۋىننان مينيسترلٸك باسشىلىعىنا دەيٸن جاۋاپكەرشٸلٸك جٷكتەلەدٸ. ەربٸر ٸس جەكە جەنە ارنايى تەرتٸپتە قارالادى. وفيتسەرلەرمەن جەنە كەلٸسٸمشارت بويىنشا ەسكەري قىزمەتشٸلەردٸڭ ٶلٸم سەبەبٸ تٷرلٸ بولۋى مٷمكٸن: اۋرۋعا بايلانىستى, جازاتايىم وقيعالارعا بايلانىستى, ٶيتكەنٸ ولار, قوعامنىڭ بارلىق ازاماتى سيياقتى, جۇمىسقا كەلەدٸ جەنە كەشكٸ ۋاقىتتا قىزمەتتەن ٷيٸنە كەتەدٸ. قاراپايىم ازاماتتار سيياقتى كٷندەلٸكتٸ مەسەلەلەرمەن اينالىسادى. بٸراق جاۋاپكەرشٸلٸك بٸرٸنشٸ كەزەكتە بٸزدٸڭ موينىمىزدا", - دەپ تٷسٸندٸردٸ ول.
بۋرامباەۆ اتا-انالار مەن ساربازدار انالارى كوميتەتٸنٸڭ ٶكٸلدەرٸ ەسكەري بٶلٸمنٸڭ ٶمٸرٸ مەن قىزمەتٸ تۋرالى ەرقاشان ونلاين جەنە وفلاين فورماتتا تانىسا الاتىنىن ايتتى.
