فوتو: اشىق دەرەككٶز
ەلٸمٸزدە جۇمىس ٸستەيتٸن جاستارعا ارنالعان جالدامالى تۇرعىن ٷي باعدارلاماسى توقتاتىلاتىنى بەلگٸلٸ بولدى. بۇل تۋرالى پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا مەلٸمدەدٸ, دەپ حابارلايدى Ult.kz.
مينيستردٸڭ ايتۋىنشا, اتالعان باعدارلاما استانا, الماتى جەنە شىمكەنت قالالارىندا جٷزەگە اسىرىلىپ, 10 مىڭنان استام جاس ماماندى باسپانامەن قامتىعان. باعدارلاما اياسىندا جاستارعا تۇرعىن ٷي ساتىپ الۋ قۇقىعىنسىز, ۋاقىتشا جەنە قولجەتٸمدٸ باعامەن جالعا بەرٸلگەن. اي سايىنعى تٶلەم 5 مىڭنان 15 مىڭ تەڭگە ارالىعىندا بولعان.
باعدارلامانىڭ باستى ماقساتى – جاس ماماندارعا ۋاقىتشا باسپانا ۇسىنىپ, ٶز ٷيٸن ساتىپ الۋعا باستاپقى جارنا جيناۋعا مٷمكٸندٸك بەرۋ ەدٸ. وسى ۋاقىت ٸشٸندە تۇرعىن ٷي بەرۋ مەرزٸمدەرٸ ٶزگەرگەنٸمەن, نەگٸزگٸ قاعيدات – ساتىپ الۋ قۇقىعىنسىز جالعا بەرۋ ساقتالعان.
ايدا بالاەۆانىڭ سٶزٸنشە, كەيبٸر ازاماتتاردىڭ پەتەردٸ ٶزٸندە قالدىرۋعا نيەت بٸلدٸرگەنٸ تٷسٸنٸكتٸ. الايدا مۇنداي شەشٸم زاڭ تالاپتارىنا جەنە بارلىق قاتىسۋشىلار ٷشٸن تەڭ جاعداي قاعيداتىنا قايشى كەلەدٸ.
سونىمەن قاتار مەملەكەت تاراپىنان جاستاردى قولداۋ جالعاسادى. وتباسى بانكپەن بٸرلەسٸپ 17 ٶڭٸردە جەڭٸلدەتٸلگەن يپوتەكالىق باعدارلامالار ٸسكە قوسىلىپ, ولاردىڭ اياسىندا 12 مىڭعا جۋىق جاس باسپانالى بولعان. ونىڭ ٸشٸندە 1,6 مىڭنان استامى وسى جالدامالى تۇرعىن ٷي باعدارلاماسىنىڭ قاتىسۋشىلارى.
جاستار سونداي-اق «وتاۋ», «ناۋرىز» جەنە «ناۋرىز جۇمىسكەر» باعدارلامالارى ارقىلى دا تۇرعىن ٷيگە قول جەتكٸزٸپ وتىر. قازٸرگٸ تاڭدا ماقۇلدانعان ٶتٸنٸمدەردٸڭ 62%-ى 35 جاسقا دەيٸنگٸ ازاماتتارعا تيەسٸلٸ.
2026 جىلعى 27 ناۋرىزداعى بۇيرىققا سەيكەس, جۇمىس ٸستەيتٸن جاستارعا ساتىپ الۋ قۇقىعىنسىز جالعا بەرٸلەتٸن تۇرعىن ٷي بەرۋ قاعيدالارىنىڭ كٷشٸ جويىلىپ, باعدارلاما رەسمي تٷردە توقتاتىلادى.
مينيستر قازٸرگٸ جالعا الۋشىلار كەلٸسٸمشارت مەرزٸمٸ اياقتالعانعا دەيٸن پەتەردە تۇرا الاتىنىن, ال مەرزٸمٸ اياقتالعاندار بەلگٸلەنگەن تەرتٸپكە سەيكەس ەرەكەت ەتۋٸ تيٸس ەكەنٸن اتاپ ٶتتٸ.
بوساتىلاتىن تۇرعىن ٷي قورىن ودان ەرٸ پايدالانۋ مەسەلەسٸن جەرگٸلٸكتٸ اتقارۋشى ورگاندار تۇرعىن ٷي زاڭناماسىنا سەيكەس شەشەتٸن بولادى.
