فوتو دەپۋتاتتىڭ Instagram پاراقشاسىنان الىندى
مەجٸلٸس دەپۋتاتى رينات زايىتوۆ جاستار تەربيەسٸنە تەرٸس ەسەر ەتٸپ جاتقان, قىلمىستى ناسيحاتتايتىن فيلمدەر جايلى ويىن ايتتى, دەپ حابارلايدى Kazinform.
«وسىنداي مازمۇنداعى فيلمدەردٸ يدەولوگييالىق قارۋ دەپ باعالاۋعا بولادى. مۇنداي فيلمدەر ٶسكەلەڭ ۇرپاققا ٶتە قاتتى ەسەر بەرەدٸ. ٶيتكەنٸ بالالاردىڭ ساناسى ەلٸ قورعانا قويماعان, وسىنداي فيلمدەردەگٸ كٶرٸنٸستەردٸڭ بەرٸن ٶز بويىنا سٸڭٸرٸپ الادى. ەكراننان نە كٶرسە, سوعان قۇمار بولادى. مۇنداي مازمۇنداعى فيلمدەر مەن سەريالدار كەيٸنگٸ جىلدارى ەلٸمٸزدە دە تٷسٸرٸلگەن, سونداي-اق بەيمەدەني شەتەلدٸك فيلمدەر دە بارشىلىق. 20 جىل بۇرىن «بريگادا» دەگەن سەريال شىعىپ, ونىڭ كەيٸپكەرلەرٸ جاسٶسپٸرٸمدەرگە قاتتى ەسەر ەتكەنٸن بٸلەمٸز. جاستار سولاردىڭ لاقاپ اتىن قويىپ الىپ, ەلٸكتەپ جٷردٸ. سوندىقتان بۇل جاعدايدى قاۋٸپتٸ دەپ سانايمىن», - دەدٸ زايىتوۆ.
بۇل تۇرعىدا دەپۋتات ەلٸمٸزدە وسىنداي جاعدايلاردىڭ الدىن الىپ, يدەولوگييالىق جاعىنان جاقسى سەريالدار مەن فيلمدەردٸڭ سانىن كٶبەيتۋ ماڭىزدى ەكەنٸن اتاپ ٶتتٸ.
«مينيسترلٸكتٸڭ بۇل باعىتتا مونيتورينگ جٷرگٸزەتٸندەي شاماسى بار. ۇرپاققا, ۇلتقا زييانى تيەتٸن, جاستاردىڭ بٸلٸم الۋىنا بٶگەت جاسايتىن تەرٸس يدەولوگيياعا قارسى تۇرىپ, وسى مەسەلەلەرگە ەرەكشە مەن بەرۋٸمٸز كەرەك», - دەدٸ دەپۋتات.
ەسكە سالايىق, جاقىندا قر ٸشكٸ ٸستەر مينيسترلٸگٸ ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى رەنات زۇلقايىروۆ بالالار مەن جاسٶسپٸرٸمدەر تەربيەسٸنە كەرٸ ەسەر ەتٸپ جاتقان فيلمدەر مەن سەريالداردى اتاپ شىققان ەدٸ.
«بالالار تەۋلٸك بويى ينتەرنەتتٸ, ەلەۋمەتتٸك جەلٸلەردٸ قاراپ وتىرادى. مۇندا ەڭ تانىمال كونتەنت رەتٸندە بٸرٸنشٸ ورىنعا زورلىق-زومبىلىق, دٶرەكٸلٸك پەن تٷرلٸ پرانكتەر شىعىپ وتىر. سونىمەن قاتار, كەيٸنگٸ كەزدەرٸ كەمەلەتكە تولماعانداردىڭ مٸنەز-قۇلقىنا «چەرنىي دۆور», «پاتسانسكايا يستورييا», «تاراز», «سلوۆو پاتسانا» سيياقتى تانىمال فيلمدەر كەرٸ ەسەر ەتٸپ جاتىر», - دەدٸ زۇلقايىروۆ.
