بٷگٸن وڭتٷستٸك قازاقستان وبلىسىنىڭ ەكٸمٸ ج.تٷيمەباەۆتىڭ قاتىسۋىمەن ەكٸمدٸكتٸڭ كەزەكتٸ مەجٸلٸسٸ ٶتتٸ, دەپ حابارلايدى "ۇلت اقپارات" وقو ەكٸمٸنٸڭ باسپاسٶز قىزمەتٸنە سٸلتەمە جاساپ.
وتىرىس بارىسىندا جاستار ساياساتىنىڭ ٶڭٸردە جٷزەگە اسىرىلۋى مەن جەر قويناۋىن پايدالانۋدىڭ زاڭدىلىقتارى قارالدى.
كٷن تەرتٸبٸندەگٸ بٸرٸنشٸ مەسەلە بويىنشا بايانداما جاساعان وبلىستىق جاستار ساياساتى مەسەلەلەرٸ جٶنٸندەگٸ باسقارماسى باسشىسى ب.ناربەكوۆا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى تۋعان جەر باعدارلاماسى اياسىندا استانا قالاسىمەن جەنە قاراعاندى, جامبىل, قىزىلوردا وبلىستارىنىڭ جاستار ساياساتى مەسەلەلەرٸ باسقارمالارىمەن ەكٸ جاقتى مەموراندۋم تٷزٸلگەنٸن مەلٸم ەتتٸ.
جاستارعا ارنالعان مەملەكەتتٸك باعدارلامالاردىڭ ورىندالۋىندا دا بٸرقاتار جەتٸستٸكتەردٸ اتاپ ٶتكەن ول «ديپلوممەن اۋىلعا» باعدارلاماسى بويىنشا وسى جىلى 80 مامان باسپانالى بولىپ, 315 جاس مامان جۇمىسقا ورنالاستىرىلعانىن ايتتى. ال ورتاشا جالاقىسى 56 725 تەڭگەنٸ قۇرايتىن «جاستار پراكتيكاسىمەن» 1120 جۇمىس بەرۋشٸ مەكەمەگە 3005 جاس جولدانعانىن اتاپ ٶتتٸ. بۇدان بٶلەك, باسقارما باسشىسى ستاتيستيكالىق مەلٸمەتتەردٸ حابارلاپ, اتقارىلعان جۇمىستار مەن الداعى جۇمىس جوسپارىن بايان ەتتٸ.
بايانداماشىنى مۇقييات تىڭداعان ايماق باسشىسى ستاتيستيكالىق مەلٸمەتتەرمەن دايىندالعان باياندامانىڭ سالدارىنان ارعى جاعىنداعى ادام تاعدىرىن كٶرالماي وتىرمىز دەدٸ.
«وبلىستا جاستار سانى 800 مىڭعا جۋىق, ولاردىڭ ٸشٸندە 65 مىڭنان استامى جوعارعى وقۋ ورنىندا وقىسا, كەسٸپتٸك-تەحنيكالىق كوللەدجدەردە 70 855 ستۋدەنت بٸلٸم الادى. وسى جاستارىمىزدىڭ اراسىنداعى قۇقىقبۇزىشىلىق پەن ٶزٸنە ٶزٸ قول جۇمساۋ فاكتٸلەرٸ ٶسٸپ وتىر. ورىن العان جاعداي, جاستارعا ارنالىپ اشىلعان كريزيستٸك ورتالىقتىڭ جەنە مەكتەپ جانىنداعى پسيحولوگ مامانداردىڭ جۇمىسىنىڭ تيٸمسٸزدٸگٸنٸڭ سالدارى مەن وبلىستىق تەلەارنالاردا جاستار باعىتىندا تەربيەلٸك ماعىناسى بار قىزىقتى باعدارلامالاردىڭ جوقتىعىنىڭ داقاتىسى بار»,-دەدٸ ەكٸم.
وسىعان وراي, وبلىس ەكٸمٸ جاستارعا ارنالعان ينتەلەكتۋالدىق دەبات ويىندارى مەن ارنايى جاستار باعدارلامالارىن ەزٸرلەۋدٸ تاپسىردى. سونىمەن قوسا ج.تٷيمەباەۆ ەشبٸر وبلىستا بٸزدەگٸ سيياقتى 12 جوعارعى وقۋ ورنى مەن كەسٸپتٸك بٸلٸم بەرەتٸن 90 كوللەدجدٸڭ جوق ەكەنٸن تٸلگە تيەك ەتٸپ, وسى رەتتە بٸز بٷكٸل ەلٸمٸزدٸڭ ايماعىنا ٷلگٸ بولۋىمىز قاجەت دەپ ايتتى.
بٸرٸنشٸ مەسەلەنٸ قورىتىندىلاعان ٶڭٸر باسشىسى جاستار تەربيەسٸنە قاتىستى سالا باسشىلارىنا, ونىڭ ٸشٸندە جوعارعى وقۋ ورىندارى مەن كوللەدج ديرەكتورلارىنا بٸرقاتار تاپسىرمالار جٷكتەدٸ.
ەندٸ اتالعان مەكەمەلەر قۇزىرلى ورگاندارمەن بٸرلەسٸپ, وبلىس بويىنشا جاستاردىڭ قاتىسۋىمەن قىلمىس كٶپ ورىن الاتىن ورىنداردىڭ تٸزٸمٸن جاساقتاپ, قىلمىستىڭ الدىن الۋ بويىنشا ناقتى شارالار قابىلداۋى كەرەك. سونىمەن قاتار, ەكٸم وبلىستاعى بارلىق تەلەارنالاردا اپتاسىنا بٸر رەت جاستار باعدارلاماسىن اشۋدى جەنە وبلىستىق جاستار ساياساتى مەسەلەلەرٸ جٶنٸندەگٸ باسقارماسىنىڭ «جاستار رەسۋرستىق ورتالىعى» جانىنان جاس كٶشباسشىلار مەكتەبٸ قۇرىلۋىن جٷكتەدٸ. ال, «سەرپٸن-2050» باعدارلاماسى اياسىندا ورتا ارناۋلى وقۋ ورىندارىنا اۋىل جاستارىن تارتۋدى, وبلىس بويىنشا قۇرىلىسى جٷرگٸزٸلٸپ جاتقان نىسانداردا تۇرعىلىقتى جۇمىسسىز جاستاردى تارتۋ بويىنشا قالا, اۋدان ەكٸمدەرٸمەن بٸرلەسكەن شارالار قابىلداۋدى, بارلىق مەدەنيەت ٷيلەرٸ مەن كلۋبتاردا جاستارعا ارنالعان ٷيٸرمەلەر اشۋدى مٸندەتتەدٸ.
وقو ەكٸمٸنٸڭ باسپاسٶز قىزمەتٸ
