قازاقستاندا بالالار مەن جاسٶپٸرٸمدەر جاسايتىن قىلمىستار جيٸلەپ كەتتٸ. مۇنداي دەرەكتٸ ranking.kz پورتالى ۇسىنىپ وتىر, دەپ حابارلايدى قازاقپارات.
وسى جىلدىڭ قاڭتار-مامىرىندا ەلٸمٸزدٸڭ اۋماعىندا 574 جاسٶسپٸرٸم قىلمىستىق قۇقىق بۇزۋشىلىق جاساعان. بۇل بٸر جىل بۇرىنعى دەرەكتەن 8,1 پايىزعا ارتىق.
ونىڭ ٸشٸندە 38 جاسٶسپٸرٸم جات قىلىق تانىتسا, 536-سى قىلمىسقا بارعان.
ال زاڭمەن قۋدالاناتىن ەرەكەتكە بارعانداردىڭ ٸشٸندە 254 - ورتاشا اۋىر, 225-ٸ - اۋىر, 44-ٸ - كٸشٸگٸرٸم اۋىر, 13-ٸ - اسا اۋىر قىلمىس جاساعان..
ٶڭٸرلەر اراسىندا الماتى وبلىسىندا زاڭ بۇزاتىن جاسٶسپٸرٸمدەردٸڭ قاتارى بٸر جىل بۇرىنعى كٶرسەتكٸشتەن 24,5 پايىزعا (66 جاسٶسپٸرٸم) ارتىپ كەتكەن.
ودان كەيٸنگٸ ورىندا شىعىس قازاقستان (50 قۇقىق بۇزۋشى), قاراعاندى مەن تٷركٸستان وبلىستارى (47 قۇقىق بۇزۋشىدان) تۇر.
ەڭ تٶمەن كٶرسەتكٸش سولتٷستٸك قازاقستان وبلىسىندا تٸركەلگەن: 12 جاسٶسپٸرٸم.
بيىل بەس ايدىڭ ٸشٸندە جاسٶسپٸرٸمدەر بٸرەۋدٸڭ مەنشٸگٸنە قاتىستى قۇقىق بۇزۋشىلىققا جيٸ بارعان: 421 ادام.
ونىڭ ٸشٸندە 250 جاسٶسپٸرٸم ۇرلىق ٷستٸندە ۇستالىپ, 68-سٸ توناۋ, 37-ٸ الاياقتىق, 26-سى كٸشٸگٸرٸم بۇزاقىلىق جاساسا, 23-ٸ اۆتوموبيلدٸ نەمەسە باسقا كٶلٸك قۇرالدارىن زاڭسىز جٷرگٸزگەن.
ەلٸمٸزدٸڭ ٸشكٸ ٸستەر مينيسترلٸگٸ دە بالالاردىڭ دەمالىس ماۋسىمى باستالعان سەتتەن جاسسٶپٸرٸمدەردٸڭ تٷنگٸ ۋاقىتتا كٶشەدە جٷرۋٸ جيٸلەپ كەتكەندٸگٸن مەلٸمدەپ وتىر.
جاسٶسپٸرٸم تٷنگٸ ۋاقىتتا قۇقىق قورعاۋشىلاردىڭ قولىنا تٷسسە, وندا ولار پوليتسييا بٶلٸمشەسٸنە جەتكٸزٸلەدٸ. سول جەردە ونىڭ اتى-جٶنٸ انىقتالىپ, اتا-اناسىنا حابار بەرەدٸ.
بۇل رەتتە جاسٶسپٸرٸم كٶڭٸل كٶتەرۋ ورنىندا جٷرگەن بولسا اتا-اناسىنا ٷش ايلىق ەسەپتٸك كٶرسەتكٸش كٶلەمٸندە ايىپپۇل سالىنادى.
ال جاسٶسپٸرٸم تٷنگٸ ۋاقىتتا پوليتسييا كٶزٸنە تٷسسە, وندا بٸرٸنشٸ جولى ەسكەرتۋ بەرٸلەدٸ.
ەگەر ەكٸنشٸ مەرتە قولعا تٷسسە, وندا اتا-اناسى 7 ايلىق ەسەپتٸك كٶرسەتكٸش كٶلەمٸندە ايىپپۇل ارقالايدى.
