Qazaqstanda balalar men jasópirimder jasaityn qylmystar jiilep ketti. Mundai derekti ranking.kz portaly usynyp otyr, dep habarlaidy QazAqparat.
Osy jyldyń qańtar-mamyrynda elimizdiń aýmaǵynda 574 jasóspirim qylmystyq quqyq buzýshylyq jasaǵan. Bul bir jyl burynǵy derekten 8,1 paiyzǵa artyq.
Onyń ishinde 38 jasóspirim jat qylyq tanytsa, 536-sy qylmysqa barǵan.
Al zańmen qýdalanatyn áreketke barǵandardyń ishinde 254 - ortasha aýyr, 225-i - aýyr, 44-i - kishigirim aýyr, 13-i - asa aýyr qylmys jasaǵan..
Óńirler arasynda Almaty oblysynda zań buzatyn jasóspirimderdiń qatary bir jyl burynǵy kórsetkishten 24,5 paiyzǵa (66 jasóspirim) artyp ketken.
Odan keiingi orynda Shyǵys Qazaqstan (50 quqyq buzýshy), Qaraǵandy men Túrkistan oblystary (47 quqyq buzýshydan) tur.
Eń tómen kórsetkish Soltústik Qazaqstan oblysynda tirkelgen: 12 jasóspirim.
Biyl bes aidyń ishinde jasóspirimder bireýdiń menshigine qatysty quqyq buzýshylyqqa jii barǵan: 421 adam.
Onyń ishinde 250 jasóspirim urlyq ústinde ustalyp, 68-si tonaý, 37-i alaiaqtyq, 26-sy kishigirim buzaqylyq jasasa, 23-i avtomobildi nemese basqa kólik quraldaryn zańsyz júrgizgen.
Elimizdiń Ishki ister ministrligi de balalardyń demalys maýsymy bastalǵan sátten jassópirimderdiń túngi ýaqytta kóshede júrýi jiilep ketkendigin málimdep otyr.
Jasóspirim túngi ýaqytta quqyq qorǵaýshylardyń qolyna tússe, onda olar politsiia bólimshesine jetkiziledi. Sol jerde onyń aty-jóni anyqtalyp, ata-anasyna habar beredi.
Bul rette jasóspirim kóńil kóterý ornynda júrgen bolsa ata-anasyna úsh ailyq eseptik kórsetkish kóleminde aiyppul salynady.
Al jasóspirim túngi ýaqytta politsiia kózine tússe, onda birinshi joly eskertý beriledi.
Eger ekinshi márte qolǵa tússe, onda ata-anasy 7 ailyq eseptik kórsetkish kóleminde aiyppul arqalaidy.
