تەۋەلسٸزدٸكتٸڭ 30 جىلدىعى اياسىندا قارالعان «قازاقستان جاستارى – 2021: تەۋەلسٸزدٸكتٸڭ 30 جىلى» اتتى ۇلتتىق باياندامانىڭ توعىزىنشى شىعارىلىمى اياسىنداعى تالداۋ بارىسىندا جاستاردىڭ قازٸرگٸ دامۋىنىڭ بٸرنەشە ماڭىزدى سيپاتتامالارى انىقتالدى, دەپ حابارلايدى "ۇلت اقپارات" اقپارات جەنە قوعامدىق دامۋ مينيسترلٸگٸنٸڭ رەسمي سايتىنا سٸلتەمە جاساپ.
وسىلايشا, جاستاردىڭ نەگٸزگٸ قۇندىلىقتارى سوڭعى 5 جىل بويى ٶزگەرٸسسٸز قالدى. ٶتكەن جىلدارداعىداي جاستار اراسىنداعى باستى قۇندىلىق وتباسى - 82,5%, ەكٸنشٸ ورىندا دەنساۋلىق – 45,6%, ٷشٸنشٸ ورىندا دوستىق - 23,1%.
ساۋالناماعا قاتىسقان جاستاردىڭ 72,3% ٶزدەرٸنٸڭ دەنساۋلىقتارىن مىقتى دەپ سانايدى, 44,8% ٷنەمٸ پروفيلاكتيكالىق تەكسەرۋدەن ٶتەدٸ. جاستاردى بۇقارالىق سپورتقا تارتۋ پروتسەسٸندە دە وڭ ديناميكا بار ەكەنٸن اتاپ ٶتكەن جٶن. جاستاردىڭ 60,9% سپورتپەن جٷيەلٸ تٷردە شۇعىلدانادى. سونداي-اق, عىلىم سالاسىندا دا وڭ ديناميكا بايقالادى: سوڭعى 9 جىلدا 35 جاسقا دەيٸنگٸ عالىمدار سانى 21% ارتتى.
جالپى, جاستاردىڭ 78% بولاشاققا زور سەنٸممەن قارايدى.
