استاناداعى ۇلتتىق اكادەمييالىق كٸتاپحانادا بەلگٸلٸ تٷرٸك اقىنى جٷنٸس ەمرەنٸڭ ٶلەڭدەرٸنٸڭ قازاق تٸلٸندەگٸ جيناعى تانىستىرىلدى, دەپ حابارلايدى قازاقپارات.
قازاقستان جازۋشىلار وداعىنىڭ نۇر-سۇلتان قالاسى فيليالى مەن جٷنٸس ەمرە ينستيتۋتىنىڭ قازاقستانداعى ٶكٸلدٸگٸ ۇيىمداستىرعان شاراعا زييالى قاۋىم ٶكٸلدەرٸ, عالىمدار مەن ديپلوماتتار قاتىستى.
تٷركييانىڭ قازاقستانداعى تٶتەنشە جەنە ٶكٸلەتتٸ ەلشٸسٸ ۋفۋك ەكيدجي يگٸلٸكتٸ ٸسكە مۇرىندىق بولعان ادامدارعا العىس ايتىپ, باۋىرلاس ەلدٸڭ اتىنان ريزاشىلىق بٸلدٸردٸ.
«بٷگٸن جٷنٸس ەمرە ينستيتۋتىنىڭ قازاقستان جازۋشىلار وداعىمەن بٸرگە اتقارعان جەمٸستٸ جۇمىسىنىڭ نەتيجەسٸ رەتٸندە اقىننىڭ قازاقشا تاڭدامالى ٶلەڭدەر كٸتابىن تانىستىرعالى وتىرمىز. 2 ناۋرىز كٷنٸ ەكٸ باۋىرلاس ەلدٸڭ اراسىندا ديپلوماتييالىق قارىم-قاتىناس ورناعانىنا 30 جىل تولدى. بٷگٸنگٸ شارا وسىنداي ماڭىزدى وقيعاعا سەيكەس كەلٸپ وتىر. اۋدارماداعى نەگٸزگٸ كٶركەمدٸك رٶلدٸ ٶز موينىنا العان 19 قادٸرلٸ قازاق اقىنىن وسى ماڭىزدى جوبالارىمەن قۇتتىقتايمىن», - دەدٸ ەلشٸ.
قازاقستان جازۋشىلار وداعىنىڭ نۇر-سۇلتان قالاسى فيليانىڭ ديرەكتورى دەۋلەتكەرەي كەپۇلىنىڭ ايتۋىنشا, بۇل اۋدارماعا كٸلەڭ جاس اقىندار اتسالىسقان.
«2021 جىل تٷركٸ دٷنيەسٸنە ورتاق تۇلعا جٷنٸس ەمرە جىلى بولعانىن بٸلەسٸزدەر. شايىردىڭ جىرلارىن قازاق تٸلٸنە بۇعان دەيٸن دە ٷلكەن اقىندارىمىز اۋدارعان. نەسٸپبەك ايتۇلى, ۇلىقبەك ەسدەۋلەت اعالارىمىزدىڭ اۋدارمالارى بار. بيىل حالىقارالىق تٷركٸ اكادەميياسىنىڭ قولداۋىمەن قازاقتىڭ كٶرنەكتٸ اقىنى سۆەتقالي نۇرجانوۆتىڭ اۋدارماسى وقىرمانعا جول تارتتى. بۇل قازاق اقىندارى جٷنٸس ەمرەنٸ اۋدارۋدان جارىسىپ جاتىر دەگەن سٶز ەمەس. جٷنٸس ەمرە ينستيتۋتىنىڭ قازاقستانداعى ٶكٸلدٸگٸ بٸزبەن بايلانىسقا شىعىپ, تٷركيياداعى عالىمدار ٸرٸكتەگەن 72 ٶلەڭدٸ اۋدارماعا ۇسىندى. ياعني اۋدارىلاتىن ٶلەڭدەردٸ اۋدارماشىلار ەمەس, جٷنٸس ەمرە مۇراسىن زەرتتەپ جٷرگەن عالىمدار تاڭدادى. بٸزدە دەستٷر ساباقتاستىعى دەيتٸن دٷنيە بار. سول رەتتە بۇل جولعى اۋدارماعا ٷلكەن اۋدارماشىلارىمىزدى قوسپاي, جاس اقىنداردى تارتتىق. اتاپ تۇرىپ ايتساق, قازاقستان جازۋشىلار وداعىنىڭ نۇر-سۇلتان قالالىق فيليالىنداعى وداق مٷشەلەرٸ, ەلدٸڭ ەر ٶڭٸرٸندە ەدەبيەتكە ٶزٸندٸك ٷندەرٸمەن كەلگەن جاس دارىن يەلەرٸ اۋدارماعا اتسالىستى. بٸر جاعىنان اۋدارما اقىندى شىنىقتىرادى, ەكٸنشٸ جاعىنان شىعارماشىلىق ٸزدەنٸسكە يتەرمەلەيدٸ. مٸنە سوندىقتان جاس اقىنداردى تارتتىق», - دەيدٸ جازۋشىلار وداعىنىڭ ٶكٸلٸ.
اۋدارما جيناعى 1000 دانامەن باسىلىپتى. ونىڭ نەگٸزگٸ بٶلٸگٸ ەلدەگٸ كٸتاپحانالارعا تاراتىلماق.
«بٸزدٸڭ كەيبٸر اقىنىمىز جٷنٸس ەمرەنٸ قازٸرگٸ تٷرٸك تٸلٸندەگٸ نۇسقاسىنان اۋدارعان. بۇل اۋدارمانىڭ ەرەكشەلٸگٸ دەپ ايتۋعا بولادى, بٸز كٶنە تٷركٸ تٸلٸندەگٸ نۇسقاسىمەن سالىستىرىپ وتىرىپ اۋداردىق. قازٸرگٸ تٷرٸك تٸلٸ مەن ەسكٸ تٷركٸ تٸلٸنٸڭ اراسىندا پارىق بار. سول ەسكٸ تٷركٸ تٸلٸنەن ەۋەلٸ قازٸرگٸ تٷرٸك تٸلٸنە تٷسٸرٸپ, سودان قازاقشا جولما-جول اۋدارما جاسالدى. وسى تاراپتان كەلگەندە اقىندار اۋدارماعا قاتتى قينالدى دەۋگە كەلمەيدٸ.
جازۋشىلار وداعىنىڭ باستاماسىمەن ەزەربايجان حالقىنىڭ قازٸرگٸ زامانداعى پوەزيياسىنىڭ انتولوگيياسىن اۋدارعانبىز. ەشقانداي قالاماقىسىز, اقىنداردىڭ جٷرەك قالاۋىمەن اتقارىلدى بۇل شارۋا. ەندٸ وسى جولمەن ياكۋت-ساحا پوەزيياسىنىڭ انتولوگيياسىن اۋدارىپ جاتىرمىز», - دەدٸ دەۋەتكەرەي كەپۇلى.
شارا سوڭىندا اۋدارما جۇمىسىنا بەلسەندٸ اتسالىسقان اقىندار مەن ۇيىمداستىرۋشىلارعا تٷركييا ەلشٸلٸگٸ مەن جٷنٸس ەمرە ينستيتۋتىنىڭ اتىنان ەستەلٸك سىيلىقتار تابىستالدى.
