بٷگٸن سەمەي يادرولىق پوليگونىنىڭ جابىلعان كٷنٸ. قر پرەزيدەنتٸنٸڭ 1991 جىلعى 29 تامىزداعى جارلىعىمەن سەمەي يادرولىق پوليگونى جابىلدى. پوليگوننىڭ قاسٸرەتٸ – قازاق جەرٸنٸڭ قاسٸرەتٸ.
نازارلارىڭىزعا "سەمەي-نەۆادا" قوزعالىسىنىڭ ەنۇرانىنا اينالعان «زامان-اي» ٶلەڭٸ مەن تىنىشتىقبەك ەبدٸكەكٸمۇلىنىڭ پوليگون جابىلار شاقتا جازعان "قارا دالا" ٶلەڭٸن (ەنٸ ت.بازارباەۆتٸكٸ) ۇسىنامىز.
زامان-اي
سٶزٸ: ۇ. ەسدەۋلەتوۆتٸكٸ
ەنٸ: ت. مۇحامەدجانوۆتٸكٸ
ۇلدارىڭنىڭ قايدا كەتكەن قۇرىعى,
قىزدارىڭنىڭ قايدا كەتكەن بۇرىمى?
مەيٸرٸمگە زارىقتىرعان زامان-اي,
زامان-اي, زامان-اي,
تۋعان جەردٸڭ لايلاندى-اۋ تۇنىعى.
قايران ەلٸم, قايران جەرٸم قور بولعان,
جومارتتىعى سور بولعان-اي,
جارىلىستان كٶز اشپاعان دالام-اي.
نەگە بٸزدەر ۋ ٸشەمٸز سۋاتتان,
نەگە بٸزدەر اجىرايمىز تۇياقتان?
تۋعان جەردٸ توزدىرعانشا, زامان-اي,
زامان-اي, زامان-اي,
نەگە جەرگە كٸرمەيمٸز بٸز ۇياتتان?
قايران ەلٸم, قايران جەرٸم قور بولعان,
جومارتتىعى سور بولعان-اي,
جارىلىستان كٶز اشپاعان دالام-اي.
قيراتتىق تا اتا-بابا مازارىن,
قاسٸرەتتٸڭ تارتتىق ەندٸ ازابىن.
قوڭ ەتٸڭدٸ ويىپ بەرگەن, زامان-اي,
زامان-اي, زامان-اي,
كٶسٸلەتٸن كٶرپەڭ قايدا, قازاعىم?
قايران ەلٸم, قايران جەرٸم قور بولعان,
جومارتتىعى سور بولعان-اي,
جارىلىستان كٶز اشپاعان دالام-اي.
***
قارا دالا
كٷن كٸرپٸگٸن قاققاندا تاقىر دالا كٶرٸنگەن,
قالاعا دا سول تاقىر قورقىنىشتى ٶلٸمنەن.
قاسقىر دا جوق ول جاقتا,
ارقار دا جوق – قۇرىعان.
تەك,
يتتەرٸ ميياۋلاپ,
مىسىقتارى ۇلىعان.
جەر تٶسٸنە سول جاقتا اتوم سىنا قاققان-دى,
مەكەندەيتٸن حالقى دا قارا حالىق اق قاندى.
جاراتقانعا سەنگەندەي, ٶزدەرٸ تىم اڭعال-اق,
مال باققان بوپ جٷرەدٸ ماڭداي تەرٸ سورعالاپ.
ٶمٸر كٶشٸ – باياعى ٶتكەن جىلدار تۇسىندا,
سوڭعى ارشانىڭ قانى بار سەمسەر – سەسكە ۇشىندا…
ەندٸ ول جاققا بەيكٷنە قۇس تا قانات قاقپاعان,
ال, ەۋەدە سٶزدەر كٶپ بٸرٸن-بٸرٸ ماقتاعان.
كٷن كٸرپٸگٸن جاپقاندا, كٷبٸرلەيدٸ سول دالا,
نە دەيدٸ ەكەن, بٸلسەڭدەر ايتساڭدارشى, جولدار-اۋ!..
ۇلت پورتالى
