تٶتەنشە جاعدايلار مينيسترلٸگٸنٸڭ باسشىسى يۋريي يلين جامبىل وبلىسى بايزاق اۋدانىنداعى ەسكەري بٶلٸمنٸڭ قويماسىندا بولعان جارىلىستاردىڭ سەبەبٸ ەلٸ تولىق انىقتالماعانىن, سوندىقتان قانداي دا بٸر قورىتىندى جاساۋعا ەلٸ ەرتە ەكەنٸن ايتتى, دەپ حابارلايدى Sputnik قازاقستان.
"دەل قازٸر تەرگەۋ شارالارى جٷرٸپ جاتىر. مەن قول استىمداعى قىزمەتكەرلەردٸڭ سٶزٸنە قاتىستى ەشتەڭە ايتا المايمىن. دەگەنمەن بٸزدە ناقتى تەرتٸپ بار ەكەنٸن راستايمىن. مەسەلەن, ٶرت سٶندٸرۋشٸلەر بەلگٸلٸ بٸر نىسانعا بارعاندا الدىمەن سول نىساننىڭ يەسٸنەن مەن-جايدى سۇرايدى. ول قاۋٸپ-قاتەردٸڭ بار-جوعىن ايتۋى كەرەك", - دەدٸ يلين aibat.kz باسىلىمىنا بەرگەن سۇحباتىندا.
مينيستردٸڭ ايتۋىنشا, ٶرت سٶندٸرۋشٸلەرگە قورعانىس مينيسترلٸگٸنٸڭ قويماسىندا جارىلاتىن زات جوق دەپ حابارلاعان.
"ول قويمادا ٶرت شىققانى جەنە تروتيل شاشكالارى بار ەكەنٸ راستالدى. ال قورعانىس مينيسترلٸگٸنٸڭ نۇسقاۋلىقتارى مەن تالاپتارىنا سەيكەس, ونداي شاشكالار دەتوناتورسىز ساقتالادى. سول سەبەپتٸ ەشقانداي قاۋٸپ بولماعان", - دەپ اتاپ ٶتتٸ يلين.
ونىڭ سٶزٸنە قاراعاندا, دەل قازٸر تەرگەۋ ورگاندارى تروتيلدٸڭ قالايشا تۇتانىپ كەتكەنٸن انىقتاپ جاتىر. وسى ورايدا مينيستر "ەسكەريلەر ٶرت سٶندٸرۋشٸلەردٸ الداپ, قاشىپ كەتتٸ" دەگەن پٸكٸرمەن كەلٸسپەيتٸنٸن ايتتى.
"قايتىس بولعانداردىڭ اراسىندا قورعانىس مينيسترلٸگٸنٸڭ قىزمەتكەرلەرٸ دە, تٶتەنشە جاعدايلار مينيسترلٸگٸنٸڭ قىزمەتكەرلەرٸ دە بار. سوندىقتان ەربٸر ادام ٶزٸنٸڭ قىزمەتتٸك مٸندەتٸن ورىندادى دەپ ويلايمىن", – دەيدٸ يلين.
قورعانىس مينيسترلٸگٸ نە دەيدٸ?
№28349 ەسكەري بٶلٸم كومانديرٸنٸڭ ورىنباسارى, پودپولكوۆنيك رۋسلان جىلقىباەۆتىڭ ايتۋىنشا, ەسكەري قويمادا ينجەنەرلٸك وق-دەرٸلەر بولعان. ونداي سناريادتار جارىلماۋعا تيٸس.
"تەحنيكالىق تۇرعىدا ونداي وق-دەرٸلەر جارىلماۋى كەرەك. سول سەبەپتٸ ەسكەري بٶلٸمنٸڭ ٶرت سٶندٸرۋشٸلەرٸ تٸلسٸز جاۋدى اۋىزدىقتاۋعا شەشٸم قابىلداعان. وسى جۇمىسقا تٶتەنشە جاعدايلار دەپارتامەنتٸنٸڭ ٶرت سٶندٸرۋشٸلەرٸ دە تارتىلدى", - دەيدٸ جىلقىباەۆ.
ونىڭ ايتۋىنشا, جارىلىستاردىڭ سەبەبٸن ارنايى كوميسسييا انىقتايدى. ونىڭ قۇرامىنا كەسٸبي ساراپشىلار كٸرگەن.
"ەسكەري بٶلٸمنٸڭ ٶرت سٶندٸرۋ كومانداسى بٸردەن ٶرتتٸ سٶندٸرۋگە كٸرٸسكەن. ال جەكە قۇرامنىڭ باسقا بٶلٸگٸ جاقىن تۇراتىن ادامداردى ەۆاكۋاتسييالاۋعا, وقيعا ورنىن قورشاۋعا, ەسكەري بٶلٸمنٸڭ باسقا دا نىساندارىن كٷزەتۋدٸ كٷشەيتۋگە تارتىلدى", - دەپ تٷسٸندٸردٸ جىلقىباەۆ.
"جارىلاتىن زات جوق دەدٸ"
بۇعان دەيٸن بايزاق اۋداندىق №8 ٶرت سٶندٸرۋ قىزمەتٸنٸڭ مامانى اسىل مۇحامبەتجانوۆ تاراز تٷبٸندەگٸ جارىلىستار كەزٸندە ادام شىعىن نە سەبەپتٸ كٶپ بولعانىن ايتقان.
"وقيعا ورنىنا بٸرٸنشٸ بولىپ بارعان بٸز ەدٸك. الدىمەن بارلاۋ جاسايمىز عوي. سول جەردە "ستارشيي كٸم?" دەپ سۇراپ ەدٸم, اعا لەيتەنانت پا, مايور ما, سول كٸسٸ مەنمٸن دەدٸ, جارىلاتىن زات جوق پا دەپ سۇرادىم, جارىلاتىن ەشتەڭە جوق دەدٸ. ۆيدەونى كٶرگەن شىعارسىز. قارا تٷتٸننٸڭ ٸشٸندە ٶرت سٶندٸرۋشٸلەر جٷردٸ. اراسىندا مەن دە بارمىن. سۋ بەرٸپ جاتتىم. سول كەزدە جارىلاتىن زات جوق پا دەپ تاعى سۇرادىم. جوق دەپ جاۋاپ بەردٸ", - دەدٸ مۇحامبەتجانوۆ جۋرناليستەرگە بەرگەن سۇحباتىندا.
اۋرۋحانادا جاتقان تٶتەنشە جاعدايلار قىزمەتٸنٸڭ تاعى بٸر مامانى ٶز ەرٸپتەسٸنٸڭ سٶزٸن راستادى. الماز ەسٸمدٸ ٶرت سٶندٸرۋشٸ ەسكەريلەر جارىلىس قاۋپٸ بار ەكەنٸن ايتپاعانىن جەتكٸزدٸ.
