ٶتكەن اپتادا مەملەكەت باسشىسى قاسىم-جومارت توقاەۆ ۆلاديمير پۋتيننٸڭ شاقىرۋىمەن رەسەي فەدەراتسيياسىنا جۇمىس ساپارىمەن باردى. بۇل – قازاقستان پرەزيدەنتٸنٸڭ وسى ەلگە جاساعان بيىلعى العاشقى ساپارى. ەكٸ كٷننٸڭ ٸشٸندە, ياعني 10-11 اقپان كٷندەرٸ مەملەكەت باسشىسى ەۋەلٸ مەسكەۋدە, سودان كەيٸن رەسەيدٸڭ قارقىندى دامىپ كەلە جاتقان ايماعى – تاتارستان رەسپۋبليكاسىندا بولدى.
بٸزدٸڭ پرەزيدەنتٸمٸز ۆلاديمير پۋتينمەن مەسكەۋدە جوعارى دەڭگەيدە مازمۇندى, ەڭ باستىسى تابىستى كەزدەسۋ ٶتكٸزدٸ. ەكٸ كٶشباسشىنىڭ ايتۋىنشا, 4 ساعاتتان استام ۋاقىتقا سوزىلعان ەڭگٸمە قازاقستان مەن رەسەي اراسىنداعى كٷن تەرتٸبٸندە تۇرعان قازٸرگٸ ٶزەكتٸ مەسەلەلەردٸ اشىق ەرٸ ٶزارا سەنٸم نەگٸزٸندە تالقىلاۋعا مٷمكٸندٸك بەردٸ.
كەلٸسسٶز فورماتىنىڭ اشىق بولعانى سونداي پرەزيدەنتتەر ەلەۋمەتتٸك ارا قاشىقتىقتى ساقتاماي, قول الىسىپ, بٸر-بٸرٸمەن تٶس قاعىستىرىپ امانداستى. وسىدان-اق كەزدەسۋدٸڭ جوعارى دەڭگەيدە ۇيىمداستىرىلعانىن بايقاۋعا بولادى. قازٸرگٸدەي «كوۆيد» كەزٸندە مۇنداي جوعارى دەڭگەيدە قابىلداۋ – سيرەك كەزدەسەتٸن جاعداي. يران, فرانتسييا سيياقتى ەلدەردٸڭ پرەزيدەنتتەرٸن سالقىن قابىلداپ, ولارمەن ٷلكەن اق ٷستەلدٸڭ ەكٸ باسىندا وتىرىپ كەلٸسسٶز جٷرگٸزدٸ.
قاسىم-جومارت توقاەۆ پەن ۆلاديمير پۋتيننٸڭ كەزدەسۋٸ كرەملدٸڭ كاميننىي زالىندا ٶتتٸ. حاتتاما بويىنشا پرەزيدەنتتەر بٸر مەتر ارا قاشىقتىقتا وتىردى. قازاقستان پرەزيدەنتٸمەن كەزدەسۋدٸڭ ەرەكشە فورماتتا ٶتۋٸ ەكٸ ەلدٸڭ شىنايى دوستىق قارىم-قاتىناستا ەكەنٸن كٶرسەتەدٸ. مۇنداي ەرەكشە ٸلتيپاتتى بىلتىر جىل سوڭىندا سانكت-پەتەربۋرگتە ٶتكەن تمد-عا مٷشە مەملەكەتتەردٸڭ سامميتٸنەن دە بايقاۋعا بولادى.
ۆلاديمير ۆلاديميروۆيچ پەن قاسىم-جومارت كەمەلۇلى قالا كٶشەلەرٸمەن جٷرگەندە بٸر كٶلٸككە وتىرىپ, مەملەكەتتەر اراسىنداعى ەكٸجاقتى قاتىناستاردى تالقىلادى.
ەكٸ ەل باسشىلارىنىڭ كرەملدە ٶتكەن كەلٸسسٶزدەرٸ بٸلٸم بەرۋ, تسيفرلاندىرۋ, عارىشتى يگەرۋ سالالارى مەن اتوم ەنەرگيياسىن بەيبٸت ماقساتتا پايدالانۋ باعىتىندا ماماندار دايارلاۋ ٸسٸ بويىنشا ماڭىزدى كەلٸسٸمدەر توپتاماسىنا قول قويۋمەن اياقتالدى.
قازاقستاندا رەسەيدٸڭ جەتەكشٸ جوعارى وقۋ ورىندارىنىڭ فيليالدارى جەلٸسٸن كەڭەيتۋ, سونداي-اق بٸزدٸڭ «بولاشاق» باعدارلاماسى اياسىندا قاجەتتٸ ماماندار دايارلاۋ جٶنٸندە ماڭىزدى ۋاعدالاستىقتارعا قول جەتكٸزٸلدٸ. بۇل باعىت بويىنشا الماتىدا ميفي-دٸڭ, اتىراۋدا گۋبكين اتىنداعى ۋنيۆەرسيتەتتٸڭ فيليالدارىن اشۋ جۇمىستارى باستالىپ تا كەتتٸ. باۋمان اتىنداعى مەسكەۋ مەملەكەتتٸك تەحنيكالىق ۋنيۆەرسيتەتٸمەن جەنە باسقا دا بٸرقاتار وقۋ ورنىمەن ولاردىڭ ٶكٸلدٸكتەرٸن اشۋ جايىندا كەلٸسسٶزدەر جٷرگٸزٸلۋدە. قازاقستاننىڭ «حالىقارالىق باعدارلامالار ورتالىعى» اكتسيونەرلٸك قوعامى رەسەي فەدەراتسيياسىنىڭ ميفي, مفتي, گۋبكين اتىنداعى رمۋ, باۋمان اتىنداعى ممتۋ, يتمو, ميسيس سيياقتى جەتەكشٸ التى تەحنيكالىق ۋنيۆەرسيتەتٸ مەن «بولاشاق» باعدارلاماسى اياسىندا ىنتىماقتاستىق ورناتۋ تۋرالى مەموراندۋمعا قول قويدى.
وسى تۇستا اتالعان مەسەلە بويىنشا قاسىم-جومارت كەمەلۇلىنىڭ اسا پايدالى ۇسىنىسىن قولداعان ۆلاديمير پۋتيننٸڭ ەرەكشە ىقىلاسىن اتاپ ٶتكەن جٶن.
قازاقستان پرەزيدەنتٸنٸڭ پٸكٸرٸنشە, وسى يگٸ باستامالار جاستارىمىزدىڭ وزىق تەحنيكالىق بٸلٸم الۋىنا مٷمكٸندٸك بەرەدٸ. سونىمەن قاتار قازاقستان رەسپۋبليكاسى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ مەن رەسەي فەدەراتسيياسى تسيفرلىق دامۋ, بايلانىس جەنە بۇقارالىق كوممۋنيكاتسييالار مينيسترلٸگٸ تسيفرلاندىرۋ سالاسىندا تەجٸريبە الماسۋ تۋرالى مەموراندۋمعا قول قويدى. بۇل قۇجات تسيفرلىق دامۋ سالاسىنداعى ىنتىماقتاستىقتى دامىتۋعا, سونىڭ ٸشٸندە ەكٸ ەلدٸڭ مەملەكەتتٸك قىزمەتشٸلەرٸنە قاجەتتٸ تەحنيكالىق جەنە ۇيىمداستىرۋشىلىق داعدىلاردى ٷيرەتۋگە باعىتتالعان.
سونداي-اق تاراپتاردىڭ تسيفرلىق سالا باسشىلارىن دايارلاۋ باعدارلاماسىن بٸرلەسٸپ ٸسكە اسىرۋ, IT ماماندارىن دايارلاۋ جەنە ولاردىڭ بٸلٸكتٸلٸگٸن ارتتىرۋدىڭ قارقىندى باعدارلاماسىن ٸسكە قوسۋ, Astana Hub حالىقارالىق تەحنوپاركٸ بازاسىندا تسيفرلىق ترانسفورماتسييا قۇرالدارىن قامتاماسىز ەتۋ جەنە قولداۋ جٶنٸندە كەلٸسٸم جاسالدى. سونىمەن بٸرگە ەلدەرٸمٸزدٸڭ تسيفرلىق ترانسفورماتسيياسى اياسىندا جاساندى ينتەللەكت قۇرالدارىن قولدانۋ جەنە اۋقىمدى دەرەكتەردٸ تالداۋ سالاسىندا تەجٸريبە الماسۋعا ۋاعدالاستى.
كەلٸسسٶز «قازاقستان تەمٸر جولى» ۇك» اق مەن «ترانسماشحولدينگ» اق اراسىنداعى ىنتىماقتاستىق تۋرالى ماڭىزدى كەلٸسٸممەن قورىتىندىلاندى. بۇل قۇجات مانەۆرلٸ جەنە ماگيسترالدى لوكوموتيۆتەردٸ, جٷك ۆاگوندارىن جەنە رەسەي تەمٸرجول ماشينا جاساۋ سالاسىنىڭ باسقا دا ٶنٸمدەرٸن جەتكٸزۋدٸ كٶزدەيدٸ. «ترانسماشحولدينگ» – تەمٸر جول ماشيناسىن جاساۋ سالاسىنىڭ ٸرٸ ٶندٸرۋشٸسٸ جەنە ۇزاق جىلدان بەرٸ قازاقستان تەمٸر جولىنىڭ نەگٸزگٸ سەرٸكتەستەرٸنٸڭ بٸرٸ.
كەزدەسۋ بارىسىندا ۆلاديمير پۋتين رەسەيدٸڭ قاسىم-جومارت توقاەۆتى بارىنشا قولدايتىنىن ايتتى.
– بٸز رەسەي مەن قازاقستاننىڭ ىنتىماقتاستىعى ودان ەرٸ كەڭەيٸپ, ارتا تٷسەتٸنٸنە سەنٸمدٸمٸز. قازاقستان پرەزيدەنتٸ ٶز ەلٸندە ازاماتتاردىڭ ەلەۋمەتتٸك تۇرعىدان قورعالۋىن قامتاماسىز ەتۋگە, سىبايلاس جەمقورلىقتى جويۋعا, ەكونوميكانى جاڭعىرتۋعا, ەلدٸڭ كٷشتٸك قۇرىلىمدارىن نىعايتۋعا باعىتتالعان بٸرٸنشٸ كەزەكتەگٸ شارالاردىڭ كەشەندٸ جوسپارىن ٸسكە اسىرا باستايتىنىن ايتتى. بٸز قازاقستاندىق ەرٸپتەستەرٸمٸزگە بەكٸتٸلگەن جوسپارلارىنىڭ تابىستى ورىندالۋىنا تٸلەكتەسپٸز جەنە بۇعان جان-جاقتى كٶمەكتەسۋگە دايىنبىز, – دەدٸ رەسەي پرەزيدەنتٸ.
بيىل قازاقستان رەسپۋبليكاسى مەن رەسەي فەدەراتسيياسى اراسىنداعى قارىم-قاتىناستار تاريحىندا اتاۋلى داتا بار ەكەنٸن اتاپ ٶتكٸم كەلەدٸ. بۇل ەلدەرٸمٸز اراسىنداعى ديپلوماتييالىق قاتىناستاردىڭ 30 جىلدىعى.
وسى ۋاقىت ٸشٸندە مىزعىماس دوستىققا, ورتاق تاريحقا, قازاقستان مەن رەسەي حالىقتارىنىڭ مەنتالدىق تۇرعىدان جاقىندىعىنا سٷيەنە وتىرىپ, جوعارى دەڭگەيدەگٸ باسشىلارىمىز مەملەكەتارالىق ٷلگٸلٸ ىنتىماقتاستىق ورناتتى. وسى ىنتىماقتاستىق بارلىق سالا بويىنشا زور جەتٸستٸك پەن تابىسقا قول جەتكٸزدٸ. بٸزدٸڭ مەملەكەتتەرٸمٸز اراسىنداعى ٶزارا قارىم-قاتىناستار حالىقارالىق قوعامداستىققا ناعىز تاتۋ كٶرشٸلٸكتٸڭ, سەنٸمدٸ وداقتاستىق پەن ستراتەگييالىق سەرٸكتەستٸكتٸڭ جارقىن ٷلگٸسٸن كٶرسەتتٸ.
قاسىم-جومارت توقاەۆتىڭ رەسەي فەدەراتسيياسى ٷكٸمەتٸنٸڭ تٶراعاسى ميحايل ميشۋستينمەن كەزدەسۋٸ ٶتە نەتيجەلٸ بولدى. بۇل جٷزدەسۋدە ەلدەرٸمٸز اراسىنداعى ٸسكەرلٸك سەرٸكتەستٸكتٸ ودان ەرٸ ٸلگەرٸلەتۋ مەسەلەلەرٸ تالقىلاندى. پرەزيدەنت بارلىق كٷش-جٸگەردٸ, ەڭ الدىمەن, ساپار بارىسىندا قول جەتكٸزٸلگەن ۋاعدالاستىقتاردى ٸسكە اسىرۋعا جەنە ناقتى نەتيجەلەرگە قول جەتكٸزۋگە شاقىردى.
مەسكەۋدەگٸ تابىستى كەلٸسسٶزدەردەن كەيٸن مەملەكەت باسشىسى رەسەي فەدەراتسيياسىنداعى جۇمىس ساپارىن تاتارستان رەسپۋبليكاسىندا جالعاستىردى. قاسىم-جومارت كەمەلۇلى مىڭجىلدىق تاريحىمەن جەنە اسا باي مەدەني مۇراسىمەن تانىمال قازان قالاسىنا العاش رەت ات باسىن بۇردى.
قازاق پەن تاتار ەجەلدەن تٶسكەيدە مالى, تٶسەكتە باسى قوسىلعان تۋىستاس حالىق. بٸزدٸڭ تاريحىمىز ورتاق, دٸنٸمٸز بەن تٸلٸمٸز بٸر. سوناۋ XVI عاسىردىڭ ورتاسىندا يۆان گروزنىي قازاندى باسىپ العانداعى قىرعىن بٸزدٸڭ فولكلورىمىزدا ەرەكشە ٸز قالدىرعان. قازاقتىڭ «شورا باتىر», «نەرٸك باتىر» جىرلارىندا وسى شايقاستار باياندالادى. سوندا قازاندى جاۋ قورشادى دەپ اتتانىپ بارا جاتقان قازاقتىڭ باتىرى شورا:
«نەرٸكتٸڭ ۇلى شورامىن,
مەن قازانعا بارامىن.
مەن قازانعا بارعانشا,
قان جاۋماسىن, قار جاۋسىن,
مەن قازانعا بارعان سوڭ,
قار جاۋماسىن, قان جاۋسىن», – دەپ جىرلاعان ەكەن. «قازان جورىعى» دەپ اتالاتىن كٷي دە بار.
ال تۇتاس ۇلتتى جاڭا ساپاعا كٶتەرگەن الاش زييالىلارىنىڭ دا قىزمەتٸ مەن ٶمٸرٸ وسى قازان قالاسىمەن تٸكەلەي بايلانىستى. كٶبٸ وسىندا بٸلٸم الىپ, تاتار ارۋلارىنا ٷيلەندٸ. تاتار اۆتونوميياسى مەن الاش اۆتونوميياسى ٷنەمٸ تٸزە قوسىپ, بٸرگە كٷرەسكەنٸن تاريحتان بٸلەمٸز. قازاقتىڭ العاشقى كٸتاپتارى دا وسى قالادا باسىلدى. كٶرنەكتٸ الاش قايراتكەرٸ ۋەليتحان تاناشۇلى قازاندا ٶمٸر سٷرٸپ, تاتار ٷكٸمەتٸندە قىزمەت ٸستەگەن. دەمەك, تۋىستاس ەكٸ حالىق ەجەلدەن جۇبىن جازباعان. تاتار اعايىنداردىڭ قازاق حالقىنا دەگەن ايىرىقشا ىقىلاسى عاسىرلار بويى جالعاسىپ كەلەدٸ.
10 اقپان كٷنٸ اقشام ۋاقىتىندا بەلگٸلٸ تاتار اقىنى عابدوللا توقاي اتىنداعى تاتارستان استاناسىنىڭ حالىقارالىق ەۋەجايىندا قاسىم-جومارت توقاەۆتى رەسپۋبليكا باسشىسى رۋستام ميننيحانوۆ پەن ونىڭ دەلەگاتسيياسى قارسى الدى. اقىن ەسٸمٸنٸڭ ەلٸمٸزبەن تىعىز بايلانىستى بولۋىنىڭ دا استارىندا بٸر سىر بارداي. قۇيرىقتى جۇلدىزداي جارق ەتكەن عابدوللا توقاي نەبەرٸ 26 جاسىنىڭ 12 جىلىن ورال قالاسىندا ٶتكٸزگەن. وسى جەردە تاتار ەدەبيەتٸنٸڭ التىن قورىنا ەنگەن بٸرقاتار تۋىندىسىن جازىپ ٷلگەردٸ. ورال قالاسىندا ونىڭ قۇرمەتٸنە قويىلعان بيۋست پەن كٶشە اتاۋى بار. قازاقستاننىڭ باسقا قالالارىندا, سونىڭ ٸشٸندە نۇر-سۇلتان, الماتى جەنە شىمكەنتتە اقىن عابدوللا توقاي اتىنداعى كٶشەلەر بار.
بٸزدٸڭ ساپارىمىز كەزٸندە قازاندا قار جاۋعانىمەن, اياز اسا قاتتى بولعان جوق. قالانىڭ كٶركٸ كٶز توياتىنداي. قازان – تاريحى تەرەڭ زاماناۋي مەگاپوليس.
مەملەكەت باسشىسىنىڭ تاتارستانعا ساپارى عاسىرلىق تاريحى بار قازان كرەملٸنەن باستالدى. قاسىم-جومارت توقاەۆ مۇندا «قۇل شاريف» مەشٸتٸ مەن بلاگوۆەششەنسكيي سوبورىن ارالاپ كٶردٸ. پرەزيدەنت بٸر-بٸرٸنەن قول سوزىم جەردە تۇرعان مۇسىلمان مەشٸتٸ مەن پراۆوسلاۆ شٸركەۋٸنٸڭ ورنالاسۋىن دوستىق سيمۆولى دەپ اتاپ ٶتتٸ.
قازان كرەملٸنٸڭ اۋماعىندا پرەزيدەنت سارايى ورنالاسقان. قاسىم-جومارت توقاەۆ پەن رۋستام ميننيحانوۆ وسىندا رەسمي دەلەگاتسييالاردىڭ قاتىسۋىمەن ەكٸجاقتى كەزدەسۋ ٶتكٸزدٸ. قازاق كٶشباسشىسىنىڭ رەسپۋبليكاعا ساپارى كەزٸندە تاتارستان باسشىسى بٸرگە جٷرگەنٸن اتاپ ٶتكەن جٶن. ارالارىندا دوستىق قاتىناستىڭ ورناعانى ايتپاسا دا تٷسٸنٸكتٸ. بۇل – ولاردىڭ سوڭعى 10 ايدىڭ ٸشٸندەگٸ ٷشٸنشٸ كەزدەسۋٸ.
كەزدەسۋ باسىندا پرەزيدەنت مەملەكەتتٸك تٸلدە سٶز سٶيلەپ, ديپلوماتييالىق قىزمەتٸ اياسىندا جەنە بۇۇ باس حاتشىسىنىڭ ورىنباسارى لاۋازىمىندا جٷرگەندە التى قۇرىلىقتى ارالاسا دا, قازان قالاسىنا العاش رەت كەلٸپ وتىرعانىن ايتتى. «مۇنىم ۇيات بولدى, بٸراق ەشتەن كەش جاقسى» دەپ ەزٸلدەدٸ پرەزيدەنت.
وسى كەزدەسۋگە تاتارستانداعى قازاقتاردىڭ ۇلتتىق-مەدەني اۆتونوميياسىنىڭ باسشىسى ساعيت جاقسىباەۆ تا كەلٸپ, قاسىم-جومارت توقاەۆقا قازاق قاۋىمداستىعىنىڭ قۇرىلۋ تاريحى مەن قىزمەتٸ جٶنٸندە ايتتى. 1992 جىلى ول تاتارستان حالىقتارى اسسامبلەياسىنىڭ نەگٸزٸن قالاپ, 2007 جىلعا دەيٸن وسى ۇيىمدى باسقاردى. قازٸرگٸ ۋاقىتتا رەسپۋبليكادا 2 مىڭعا جۋىق قازاق تۇرادى, ولاردىڭ باسىم كٶپشٸلٸگٸ – ستۋدەنتتەر.
كەزدەسۋ بارىسىندا ساۋدا-ەكونوميكالىق جەنە ينۆەستيتسييالىق كووپەراتسييانى دامىتۋعا باسا مەن بەرٸلدٸ. قازاقستان مەن تاتارستاندى ەكٸ حالىقتىڭ تاريحي تامىرىنىڭ, رۋحاني قۇندىلىقتارىنىڭ جاقىن بولۋى عانا ەمەس, بەلسەندٸ ەكونوميكالىق قاتىناستار دا تىعىز بايلانىستىرادى.
رەسەي سۋبەكتٸلەرٸنٸڭ ٸشٸندە جەتەكشٸ ورىن الاتىن جەنە دامۋ قارقىنى جىل سايىن ٷدەپ كەلە جاتقان تاتارستاننىڭ قازاقستانمەن اراداعى ىنتىماقتاستىعىنىڭ اۋقىمدى بولۋى وسىنىڭ ايقىن دەلەلٸ.
تاتارستان ەكونوميكاسىنىڭ فلاگمانى بولىپ سانالاتىن «تانەكو» مەن «كاماز» كومپانييالارىن ٶزارا ٸس-قيمىلدىڭ جارقىن مىسالى رەتٸندە اتاۋعا بولادى. قازاقستان پرەزيدەنتٸنٸڭ نيجنەكامسك جەنە نابەرەجنىە چەلنى قالالارىندا ورنالاسقان زاۋىتتاردى ارالاپ كٶرۋٸ تاتارستانعا ساپارىنىڭ ەڭ ماڭىزدى بٶلٸگٸ بولدى. بۇل كورپوراتسييالاردىڭ ەلدەرٸمٸز اراسىنداعى ساۋدا-ەكونوميكالىق قاتىناستاردىڭ دامۋىنا قوسقان ٷلەسٸ زور ەكەنٸ سٶزسٸز. مىسالى, قازٸر قوستاناي جەنە قاراعاندى وبلىستارىندا كاماز اۆتوبٶلشەكتەرٸ مەن «تاتنەفت» اۆتوكٶلٸك دٶڭگەلەكتەرٸن شىعاراتىن زاۋىتتاردى سالۋ بويىنشا ٷش جوبا بەلسەندٸ جٷزەگە اسىرىلماق. بۇل كومپانييالاردىڭ قاتىسۋىمەن تاعى دا ٷش ٸرٸ جوبا قولعا الىنادى. ٶز كەزەگٸندە تاتارستاندا قازاقستاندىق كاپيتالدىڭ قاتىسۋىمەن 40-قا جۋىق بٸرلەسكەن كەسٸپورىن تابىستى جۇمىس ٸستەپ جاتىر.
سونىمەن قاتار قاسىم-جومارت توقاەۆ نيجنەكامسك قالاسىنداعى «تانەكو» كەشەنٸن ارالاۋ بارىسىندا «تاتنەفت» كەسٸپورنىندا تاعىلىمدامادان ٶتٸپ جاتقان قازاقستاندىق جاس ماماندارمەن كەزدەستٸ. جۋىردا «تاتنەفت» كومپانيياسى مەن سەمەي قالاسىنىڭ گەولوگييالىق بارلاۋ كوللەدجٸ اراسىندا ىنتىماقتاستىق تۋرالى كەلٸسٸمگە قول قويىلدى. نەتيجەسٸندە, بيىلدان باستاپ قازاقستاندىق كوللەدجدٸڭ ستۋدەنتتەرٸ وسى كەسٸپورىندا ٶندٸرٸستٸك تەجٸريبەدەن ٶتەتٸن بولدى. وسىنداي كەزدەسۋ نابەرەجنىە چەلنى قالاسىندا دا ٶتتٸ. «كاماز» كومپانيياسىنىڭ زاۋىتىندا بٸلٸكتٸلٸگٸن ارتتىرعان قازاقستاندىقتار, ەلگە ورالعان سوڭ قوستانايداعى وسى كەسٸپورىننىڭ زاۋىتىندا جۇمىس ٸستەيتٸن بولادى.
تاتارستان – رەسەيدٸڭ بارلىق جاعىنان دامىعان ايماعى. بۇل رەسپۋبليكا ٶزٸنٸڭ ۇلتتىق ەرەكشەلٸگٸن ساقتاي وتىرىپ, تەحنولوگييالىق دامۋدا قۋاتتى سەرپٸلٸس جاساي الدى.
قازان قالاسىندا قازاقستان پرەزيدەنتٸنٸڭ قۇرمەتٸنە تاتارستان پرەزيدەنتٸنٸڭ اتىنان سالتاناتتى قابىلداۋ مەن كونتسەرت ۇيىمداستىرىلدى. شارا اياسىندا قازاق, تاتار, ورىس حالىق ەندەرٸمەن قوسا شەمشٸ قالداياقوۆ پەن باسقا دا كومپوزيتورلاردىڭ تۋىندىلارى ورىندالدى.
قاسىم-جومارت توقاەۆ ەربٸر ٸسساپاردان ەلگە ورالعان سايىن دەستٷرلٸ تٷردە ەل ٸشٸندەگٸ جەنە شەتەلدٸك ساپارلاردىڭ نەتيجەسٸ تۋرالى ەسەرٸمەن بٶلٸسەدٸ. وسى ساپارعا قاتىستى مەملەكەت باسشىسى رەسەي فەدەراتسيياسىنا قىسقا مەرزٸمدٸ, بٸراق ٶتە مازمۇندى ساپارىنىڭ نەتيجەسٸنە كٶڭٸلٸ تولاتىنىن, ونىڭ قازاقستان مەن رەسەي اراسىنداعى ستراتەگييالىق ەرٸپتەستٸك پەن وداقتاستىقتى ودان ەرٸ نىعايتۋ تۇرعىسىنان تابىستى بولعانىن اتاپ ٶتتٸ. قاسىم-جومارت توقاەۆ رەسەي فەدەراتسيياسىنا جاساعان وسى جولعى ساپارى مەن جوعارى دەڭگەيدە ٶتكەن كەلٸسسٶزدەرٸن قازاقستان مەن رەسەي اراسىندا كەيٸنگٸ جىلدارداعى كەزدەسۋلەردٸڭ ٸشٸندەگٸ ەڭ ماڭىزدىسى دەپ ەسەپتەيدٸ. رەسەي پرەزيدەنتٸ دە وسىنداي كٶزقاراستا دەپ ويلايمىن.
بەرٸك ۋەلي,
قازاقستان رەسپۋبليكاسى پرەزيدەنتٸنٸڭ باسپاسٶز حاتشىسى,
"ەگەمەن قازاقستان" گازەتٸ
