جاپونييانىڭ بۇرىنعى پرەمەر-مينيسترٸ سيندزو ابە 8 شٸلدەدە جاسالعان قاستاندىقتان سوڭ اۋرۋحانادا كٶز جۇمدى. بۇل تۋرالى جاپونييالىق باسىلىمدار مەن حالىقارالىق اگەنتتٸكتەر حابارلادى.
ابەگە بٷگٸن جاپونييانىڭ باتىسىنداعى نارا قالاسىندا جۇرت الدىندا سٶز سٶيلەپ تۇرعان كەزدە وق اتىلعان. كەيٸن ونى اۋرۋحاناعا جەتكٸزگەن. ابە جۇرتتى الداعى جەكسەنبٸ كٷنٸ ٶتەتٸن سەنات سايلاۋىنا ٶز پارتيياسى اتىنان قاتىساتىن كانديداتتى قولداۋعا ٷندەپ تۇرعان ەدٸ.
اقپاراتقا قاراعاندا, ابەگە نارا قالاسىنىڭ 41 جاستاعى تۇرعىنى تەتسۋيا ياماگامي شابۋىل جاساعان. ول ادام ٶلتٸرمەك بولدى دەگەن كٷدٸككە ٸلٸنٸپ, قامالدى. الدىن الا اقپارات بويىنشا, ول ەكس-پرەمەردٸ قولدان جاسالعان بىتىرا مىلتىقپەن اتقان. پوليتسييا قارۋدى تەركٸلەگەن. جەرگٸلٸكتٸ باق-تىڭ جازۋىنشا, تەتسۋيا ياماگامي بۇرىن جاپونييانىڭ تەڭٸز كٷشتەرٸندە قىزمەت ەتكەن. كٷدٸكتٸ نە ٷشٸن ابەنٸ اتقانى بەلگٸسٸز, قازٸر پوليتسييا تەرگەۋ باستادى.
67 جاستاعى سيندزو ابە 2020 جىلى پرەمەر-مينيستر قىزمەتٸنەن وتستاۆكاعا كەتكەن. بٸراق جاپونييانىڭ باسقارۋشى ليبەرال-دەموكراتييا پارتيياسىندا ىقپالدى تۇلعا بولىپ قالعان. ول جاپونييادا ەڭ ۇزاق ۋاقىت پرەمەر-مينيستر (2006-2007 جەنە 2012-2020 جىلدارى) بولعان ەدٸ.
