جاپوندىق Diamond Princess لاينەرٸنٸڭ بورتىندا بولعان قازاقستاننىڭ 4 ازاماتى نۇر-سۇلتان قالاسىنىڭ №3 كٶپبەيٸندٸ اۋرۋحاناسىنىڭ جانىنداعى ينفەكتسيياعا قارسى كورپۋسقا ورنالاستىرىلدى, دەپ حابارلايدى "ۇلت اقپارات".
«23 اقپاندا جاپوندىق Diamond Princess لاينەرٸنٸڭ بورتىندا بولعان قازاقستان ازاماتتارى وتانىنا ورالىپ, كارانتينگە جاتقىزىلدى. ەسكە سالا كەتەيٸك, جاپونييا جاعالاۋىنداعى كريۋز لاينەرٸندە ەلەمنٸڭ 50 ەلٸنٸڭ 3 700 ازاماتى وقشاۋلانىپ قالعان بولاتىن», - دەپ حابارلادى قر دەنساۋلىق ساقتاۋ مينيسترلٸگٸنٸڭ تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنەن.
كوميتەتتەن حابارلانعانداي, نۇر-سۇلتان قالاسىنداعى ەۋەجايعا 23 اقپان كٷنٸ «توكيو-نۇر-سۇلتان رەيسٸ» بويىنشا 20 جولاۋشى كەلگەن. ونىڭ 16-سى – قازاقستان ازاماتتارى. تٶرتەۋٸ - جاپوندىق Diamond Princess لاينەرٸنٸڭ ٸشٸندە بولعان جولاۋشىلار. سونىمەن قاتار جولاۋشىلاردىڭ ٸشٸندە جاپونييا, ليۆييا, ۇلىبريتانييا, ۋكراينا, وڭتٷستٸك كورەيا مەن قحر ازاماتتارى بار.
«كەلگەن ازاماتتاردىڭ بەرٸ دە قالادان 7 شاقىرىم جەردەگٸ نۇر-سۇلتان قالاسىنىڭ №3 كٶپبەيٸندٸ اۋرۋحاناسىنىڭ جانىنداعى ينفەكتسيياعا قارسى كورپۋسقا جايعاستى. دەل وسى اۋرۋحانادا بۇدان بۇرىن ۋحاننان كەلگەن ستۋدەنتتەر وقشاۋلانعان ەدٸ. كەلگەن ازاماتتاردان كوروناۆيرۋس ينفەكتسيياسى بويىنشا اناليز ٷشٸن سىناما الىندى. بەرٸنٸڭ جاعدايى قاناعاتتانارلىق. ولار 14 كٷندٸك كارانتيندە بولادى», - دەپ حابارلايدى كوميتەتتەن.
دەنساۋلىق ساقتاۋ مينيسترلٸگٸنە قاراستى كوميتەت قازٸرگٸ تاڭدا قازاقستاندا كوروناۆيرۋس ينفەكتسيياسىن جۇقتىرعان ادامنىڭ جوقتىعىن حابارلايدى. قوسىمشا اقپارات قاجەت بولعان جاعدايدا تەۋلٸك بويى قىزمەت ەتەتٸن 1406 بايلانىس ورتالىعىنا حابارلاسۋعا بولادى.
