بەيسەنبٸ كٷنٸ جاپونييا دەنساۋلىق ساقتاۋ مينيسترلٸگٸ قىتايدان كەلگەن ەر ادامنىڭ كوروناۆيرۋسقا تاپسىرعان تەستٸ وڭ نەتيجە بەرگەنٸن جارييالادى. بۇل كوروناۆيرۋس جاپونييادا بٸرٸنشٸ رەت تٸركەلٸپ وتىر, دەپ حابارلايدى قازاقپارات Kyodo-عا سٸلتەمە جاساپ.
مينيسترلٸكتٸڭ مەلٸمەتٸنشە, 30 جاستاعى ەر ادام - جاپونييانىڭ وڭتٷستٸگٸندەگٸ كاناگاۆا پرەفەكتۋراسىنىڭ تۇرعىنى. ول جاڭا ۆيرۋستى پنەۆمونييا ٶرشٸپ تۇرعان قىتايدىڭ ورتالىعىنداعى ۋحان قالاسىنا بارىپ, 6 قاڭتار كٷنٸ جاپونيياعا ورالعان. مينيسترلٸك ەر ادامنىڭ ٶتكەن جۇمادا اۋرۋحاناعا جاتىپ, سەرسەنبٸ كٷنٸ دەنساۋلىعى جاقسارعان سوڭ شىعارىلعانىن حابارلادى.
بۇدان بۇرىن بٸز زەرتحانالىق زەرتتەۋ نەتيجەلەرٸ كٶرسەتكەندەي, قىتايدىڭ ۋحان قالاسىنداعى بەيمەلٸم ۆيرۋستى پنەۆمونييانىڭ ٶرشۋٸنە جاڭا ٷلگٸدەگٸ كوروناۆيرۋس سەبەپ بولعانىن حابارلاعان بولاتىنبىز.
بۇل تۋرالى پاتوگەنگە جٷرگٸزٸلگەن تەستٸلەۋ نەتيجەلەرٸن باعالاۋ توبىن باسقارعان قىتايلىق ساراپشى سيۋي تسزيانگو ايتىپ بەردٸ.
تاياۋدا انىقتالعان كوروناۆيرۋس SARS (قاتتى اسقىنعان رەسپيراتورلىق سيندروم) جەنە MERS (تاياۋشىعىستىق رەسپيراتورلىق سيندروم) اتتى اۋرۋلار تۋعىزاتىن بەلگٸلٸ كوروناۆيرۋس تٷرلەرٸنەن ەرەكشە, دەپ سەندٸردٸ قىتاي ينجەنەرييا اكادەميياسىنىڭ اكادەميگٸ سيۋي.
ساراپشىنىڭ پكٸرٸنشە, جاڭا ۆيرۋستى ەرٸ قاراي زەرتتەۋ قاجەت.
قىتايدا بارلىعى 59 ادامنان ۆيرۋستى پنەۆمونييا تابىلىپ, ونىڭ ٸشٸندە جەتەۋٸ اۋىر حالدە جاتىر. 11 قاڭتاردا قىتايدا اتالمىش اۋرۋدان قايتىس بولعان بٸرٸنشٸ جاعداي تٸركەلدٸ. وڭتٷستٸك كورەيادا بٸر ادامنىڭ جۇقتىرعانى مەلٸم بولدى.
