بٷگٸن جاپونييانىڭ 126 يمپەراتورى نارۋحيتو يمپەراتور سارايىنىڭ «Matsu-no-Ma» مەملەكەتتٸك زالىندا رەسمي تٷردە تاققا وتىردى. جاپونداردىڭ ەجەلدەن كەلە جاتقان سالت-دەستٷرٸ تولىقتاي ساقتالعان شارانى 2 مىڭنان استام قوناق, ونىڭ ٸشٸندە 190 ەلدٸڭ جوعارى مەرتەبەلٸ رەسمي تۇلعاسى تاماشالادى, دەپ حابارلايدى قازاقپارات.
مەرتەبەلٸ مەيماندار قاتارىندا جاپونييا پرەمەر-مينيسترٸ سيندزو ابەنىڭ ارنايى شاقىرۋىمەن توكيوعا كەلگەن قازاقستاننىڭ تۇڭعىش پرەزيدەنتٸ نۇرسۇلتان نازارباەۆتان بٶلەك شۆەتسييا, ەسۆاتيني, لەسوتو, كامبودجا, بۋتان, تونگو, نيدەرلاندى, يسپانييا, بەلگييا, مالايزييا كورولدەرٸ, اراب ەلدەرٸنٸڭ شەيحتارى, تٷرٸكمەنستان, قىرعىزستان, توگو, نيگەر, فينلياندييا, ۆەنگرييا, كەنييا, بانگلادەش سىندى ەلدەردٸڭ پرەزيدەنتتەرٸ بولدى.
رەسمي حاتتاماعا سەيكەس, جەرگٸلٸكتٸ ۋاقىت بويىنشا ساعات 12:50-دە ەلدٸڭ پرەمەر-مينيسترٸ, جاپون پارلامەنتٸنٸڭ ٶكٸلدەر جەنە كەڭەسشٸلەر پالاتالارىنىڭ سپيكەرلەرٸ, جوعارعى سوت تٶراعاسى, ولاردىڭ سوڭىن الا يمپەراتور وتباسىنىڭ مٷشەلەرٸ سالتاناتتى شارا باستالعان زالعا ٶتتٸ. ال ساعات 13:00-دە يمپەراتور بيلٸگٸنٸڭ نىشانى ەكٸ مٶرتاڭبا مەن قاسيەتتٸ رەگالييا سانالاتىن قىلىش پەن القانى ۇستاۋشىلاردى جانىنا ەرتكەن نارۋحيتو كٸرٸپ, يمپەراتور تاعى - تاكاميكۋراعا وتىردى. ٸلە-شالا پاتشايىم ماساكو دا كەلٸپ, ميتيوداي تاعىنا وتىرعاننان كەيٸن گونگ سوعىلىپ, جينالعان مەيماندار ورنىنان تۇردى. وسىدان كەيٸن ساراي قىزمەتشٸلەرٸ يمپەراتور مەن پاتشايىم وتىرعان تاقتى كٶلەگەيلەپ تۇرعان پەردەنٸ اشتى.
سالتاناتتى رەسٸمگە نارۋحيتو تەك يمپەراتورعا عانا ارنالعان «gosokutai» دەپ اتالاتىن دەستٷرلٸ كيٸمٸن كيٸپ كەلٸپتٸ. وڭ قولىنا ۇلىلىق نىشانى سانالاتىن «onshaku» (اعاش اساتاياق) ۇستاعان. يمپەراتوردىڭ تاققا وتىرۋ سالتاناتىنىڭ ۇلىلىعىن قىلىش, ساداق, قورامسا, ايبالتا جەنە قالقاننان تۇراتىن سالتاناتتى زاتتار بٸلدٸردٸ.
كەلەسٸ سەتتٸ جاپون ٷكٸمەتٸنٸڭ باسشىسى يمپەراتوردىڭ دەل الدىنا كەلٸپ تۇردى. مۇنان سوڭ نارۋحيتو جاپون حالقىنا جولداۋىن ارنادى.
«مەن كونستيتۋتسيياعا ساي جاپونييا مەملەكەتٸنٸڭ جەنە حالقىنىڭ بٸرلٸگٸ نىشانى رەتٸندەگٸ ٶز مٸندەتٸمدٸ ورىنداۋعا انت بەرەمٸن», - دەدٸ نارۋحيتو.
يمپەراتور جاپون حالقىنا جولداۋىن جارييالاپ بولعاننان كەيٸن سيندزو ابە يمپەراتوردى تاققا وتىرۋىمەن قۇتتىقتادى.
«بٸز بەيبٸت, جارقىن بولاشاق قۇرۋ ٷشٸن, جاپونييانىڭ ٷمٸتٸن اقتاۋ ٷشٸن بارلىعىن جاسايمىز», - دەگەن سيندزو ابە سٶز سوڭىن: «گو-سوكۋي و سيۋكۋ-سيتە تەننو حەيكا باندزاي!» (تاققا وتىرۋ قۇرمەتٸنە وراي, ۇلى مەرتەبەلٸ يمپەراتور جاساسىن!) دەپ اياقتادى.
30 مينۋتقا سوزىلعان سالتاناتتى شارا 21 زەڭبٸرەكتەن وتشاشۋ اتۋمەن اياقتالدى.
ايتا كەتەرلٸگٸ, جاپونييا 22 قازان كٷنٸن ۇلتتىق مەرەكە دەپ جارييالاعان. وسىعان وراي ەلدەگٸ كٸشٸگٸرٸم قىلمىستار ٷشٸن سوتتى بولعان 550 مىڭعا جۋىق ادامعا راقىمشىلىق جاسالىپ وتىر.
بۇعان دەيٸن حابارلاعانىمىزداي, جاپونييا ٷكٸمەتٸ 2019 جىلدىڭ 1 مامىرىندا جاڭا يمپەرييالىق كەزەڭنٸڭ باستالعانىن جارييالادى. بۇل كەزەڭ «رەيۆ» دەۋٸرٸ دەپ اتالادى - بۇل اتاۋ قازاق تٸلٸندە اۋدارعاندا «تەرتٸپ», «ٷيلەسٸم» جەنە «گٷلدەنگەن ەلەم» دەگەن ماعىنا بەرەدٸ. قازٸرگٸ «حەيسەي» دەپ اتالاتىن دەۋٸردٸڭ اتاۋى قىتاي ەدەبيەتٸنەن الىنعان بولاتىن, ول «ەلەم جەتٸستٸگٸ» دەگەن ماعىنا بەرەدٸ. ول دەۋٸر 1989 جىلدىڭ قاڭتارىندا, حيروحيتو يمپەراتور قايتىس بولعان كەزدە باستالعان ەدٸ. ونىڭ ۇلى اكيحيتو جاپونييانىڭ 125-شٸ يمپەراتورى رەتٸندە 30 جىلعا جۋىق ۋاقىت بيلٸك قۇردى. سٶيتٸپ ٶز ەركٸمەن تاقتان باس تارتتى. ول بۇل شەشٸمٸن جاسىنىڭ ۇلعايعانىمەن تٷسٸندٸردٸ. حانزادا نارۋحيتو تاققا 1 مامىر كٷنٸ وتىردى.
1989 جىلدىڭ 7 قاڭتارىندا جاپونييانىڭ مۇراگەر حانزاداسى رەتٸندە رەسمي جارييالانعان نارۋحيتونىڭ بٸرقاتار ۇلتتىق جەنە شەتەلدٸك ناگراداسى, سونىمەن قاتار وكسفورد ۋنيۆەرسيتەتٸنٸڭ دوكتورى سىندى قۇرمەتتٸ اتاقتارى بار. ول سۋ ەكوجٷيەسٸنٸڭ پروبلەمالارىنا ايرىقشا نازار اۋدارىپ, سۋ رەسۋرستارى مەن سانيتارييا پروبلەمالارىنا ارنالعان حالىقارالىق عىلىمي فورۋمداردا جيٸ بايانداما جاساعان. جاپونداردىڭ ورتاعاسىرلىق پوەتيكالىق جانرى «ۆاكا» دەستٷرلٸ پوەزيياسىمەن ەۋەستەنٸپ, الت اسپابىندا وينايدى.
