فوتو: instagram.com/rakhat_turlykhanov
الماتى سوتى ەنشٸ راحات تۇرلىحانوۆقا قاتىستى ٸستٸ قاراپ, ماتەريالداردى پروكۋرور مەن سوتقا دەيٸنگٸ تەرگەۋ ورگانىنا جولدادى, دەپ حابارلايدى Ult.kz.
ٸس ەكٸمشٸلٸك قۇقىق بۇزۋشىلىق تۋرالى كودەكستٸڭ 73-بابى 1-بٶلٸگٸ — تۇرمىستىق قاتىناستار سالاسىنداعى قۇقىق بۇزۋشىلىق بويىنشا قارالعان. حاتتاماعا سەيكەس, ول ٷيٸندە جۇبايىمەن جانجال شىعارىپ, قورلاپ, قورقىتىپ, ايقايلاعان.
سوت مەلٸمەتٸنشە, جەبٸرلەنۋشٸنٸڭ باستاپقىدا دەنە جاراقاتى تۋرالى ارىز تٷسٸرگەنٸ ەسكەرٸلٸپ, ٸستە قىلمىستىق قۇقىق بۇزۋشىلىق بەلگٸلەرٸ بار-جوعىن انىقتاۋ ٷشٸن ماتەريالدار قوسىمشا تەكسەرۋگە جٸبەرٸلگەن.
ايتا كەتەيٸك, سوت قاۋلىسى ەلٸ زاڭدى كٷشٸنە ەنگەن جوق.
وسى وقيعاعا دەيٸن ەلەۋمەتتٸك جەلٸلەردە ەنشٸنٸڭ ۇستالعانى تۋرالى اقپارات تاراعان. كەيٸن پوليتسييا بۇل جاعدايعا بايلانىستى ەكٸمشٸلٸك حاتتاما تولتىرىلعانىن راستادى.
قۇقىق قورعاۋ ورگاندارىنىڭ مەلٸمەتٸنشە, الماتىنىڭ مەدەۋ اۋدانىندا تٷسكەن شاقىرتۋ بويىنشا پوليتسييا وتباسىلىق جانجالعا قاتىسى بار تۇلعالاردى بٶلٸمشەگە جەتكٸزگەن. العاشىندا ەيەل فيزيكالىق كٷش قولدانىلعانىن ايتقانىمەن, كەيٸن بۇل مەلٸمەتتٸ جوققا شىعارعان.
