Foto: instagram.com/rakhat_turlykhanov
Almaty soty ánshi Rahat Turlyhanovqa qatysty isti qarap, materialdardy prokýror men sotqa deiingi tergeý organyna joldady, dep habarlaidy Ult.kz.
Is Ákimshilik quqyq buzýshylyq týraly kodekstiń 73-baby 1-bóligi — turmystyq qatynastar salasyndaǵy quqyq buzýshylyq boiynsha qaralǵan. Hattamaǵa sáikes, ol úiinde jubaiymen janjal shyǵaryp, qorlap, qorqytyp, aiqailaǵan.
Sot málimetinshe, jábirlenýshiniń bastapqyda dene jaraqaty týraly aryz túsirgeni eskerilip, iste qylmystyq quqyq buzýshylyq belgileri bar-joǵyn anyqtaý úshin materialdar qosymsha tekserýge jiberilgen.
Aita keteiik, sot qaýlysy áli zańdy kúshine engen joq.
Osy oqiǵaǵa deiin áleýmettik jelilerde ánshiniń ustalǵany týraly aqparat taraǵan. Keiin politsiia bul jaǵdaiǵa bailanysty ákimshilik hattama toltyrylǵanyn rastady.
Quqyq qorǵaý organdarynyń málimetinshe, Almatynyń Medeý aýdanynda túsken shaqyrtý boiynsha politsiia otbasylyq janjalǵa qatysy bar tulǵalardy bólimshege jetkizgen. Alǵashynda áiel fizikalyq kúsh qoldanylǵanyn aitqanymen, keiin bul málimetti joqqa shyǵarǵan.
