"برازيلييانىڭ ريو-دە جانەيرو قالاسىندا ٶتٸپ جاتقان وليمپيادا ويىندارىندا بوكستان 75 كەلٸگە دەيٸن سالماقتا ٶنەر كٶرسەتٸپ جاتقان جەنٸبەك ەلٸمحانۇلى شيرەك فينالدان اسا المادى", - دەپ حابارلايدى "ۇلت اقپارات".
الماتى وبلىسىنىڭ تۋماسى 1/4 فينالدا ەزٸربايجان بوكسشىسى كامران شاحسۋۆارلىمەن جولىقتى. العاشقى ەكٸ راۋندى تەڭ دەرەجەدە ٶتكەن كەزدەسۋدٸڭ شەشۋشٸ سەتٸندە عانا مىقتىلىعىن كٶرسەتكەن جەنٸبەك جٷلدەگە جەتپەي سٷرٸندٸ.
وسىعان دەيٸن (1/8 فينالدا) وتانداسىمىز الجيرلىق يلياس ابباديمەن قولعاپ تٷيٸستٸرٸپ, جەڭٸسكە جەتكەن بولاتىن.
ايتا كەتەيٸك, بيىلعى جىلى بوكستان ەرلەر قۇراماسى العاش رەت وليمپيادا ويىندارىنا تولىق قۇرامدا بارعان ەدٸ. بٸراق سايىس بارىسىندا, جەنٸبەكپەن قوسا التى بوكسشىمىز جارىستان شىعىپ قالدى.
