"Braziliianyń Rio-de Janeiro qalasynda ótip jatqan Olimpiada oiyndarynda bokstan 75 kelige deiin salmaqta óner kórsetip jatqan Jánibek Álimhanuly shirek finaldan asa almady", - dep habarlaidy "Ult aqparat".
Almaty oblysynyń týmasy 1/4 finalda Ázirbaijan boksshysy Kamran Shahsývarlymen jolyqty. Alǵashqy eki raýndy teń dárejede ótken kezdesýdiń sheshýshi sátinde ǵana myqtylyǵyn kórsetken Jánibek júldege jetpei súrindi.
Osyǵan deiin (1/8 finalda) otandasymyz aljirlyq Ilias Abbadimen qolǵap túiistirip, jeńiske jetken bolatyn.
Aita keteiik, biylǵy jyly bokstan erler quramasy alǵash ret Olimpiada oiyndaryna tolyq quramda barǵan edi. Biraq saiys barysynda, Jánibekpen qosa alty boksshymyz jarystan shyǵyp qaldy.
