«Qazaq style» لاقاپ اتىمەن تانىمال كەسٸپقوي بوكسشى جەنٸبەك ەلٸمحانۇلى (7-0, 2 كو) WBO رەيتينگٸندە ەكٸ ساتىعا جوعارىلادى, دەپ حابارلايدى "ۇلت اقپارات".
بۇل تۋرالى سپورتشى ٶزٸنٸڭ Instagram پاراقشاسىندا جازدى.
«WBO رەيتينگٸندە 15-شٸ ورىننان 13-شٸ ورىنعا كٶتەرٸلدٸك. جوسپار بويىنشا كەلەر جىلى 1-شٸ ورىنعا شىعىپ چەمپيونعا مٸندەتتٸ قارسىلاس اتانۋىمىز كەرەك. بارىمىزدى سالامىز بۇيىرتسا», - دەيدٸ سپورتشى.
ەسكە سالا كەتسەك, جەنٸبەك ەلٸمحانۇلى كەلەسٸ جەكپە-جەگٸن 9 قاراشادا ٶتكٸزەتٸنٸن بۇعان دەيٸن حابارلاعان بولاتىنبىز. ال سوڭعى ايقاسىندا جەنٸبەك ەلٸمحانۇلى 27 رەت جەڭٸسكە جەتكەن قارسىلاسىن نوكاۋتقا تٷسٸرگەن بولاتىن. ورتا سالماقتاعى ون راۋندقا سوزىلعان ايقاستا ەلٸمحانۇلى كانادالىقتى بەسٸنشٸ راۋندتا تەحنيكالىق نوكاۋتپەن جەڭدٸ.
