قازاقستاندىق بوكسشى جەنٸبەك ەلٸمحانۇلى (9-0, 5 كو) ورتا سالماقتاعى بۇرىنعى ەلەم چەمپيونى روب برانتپەن (26-2, 18 كو) جەكپە-جەك ٷشٸن لاس-ۆەگاسقا ۇشۋعا دايىندىق ٷستٸندە, دەپ حابارلايدى "ۇلت اقپارات" Sports.kzسايتىنا سٸلتەمە جاساپ.
جەنٸبەك ەلٸمحانۇلى كومانداسىنىڭ ينستاگرام-اككاۋنتىندا بوكسشى جەنە ونىڭ قاسىنداعىلاردىڭ ساپار الدىندا كوروناۆيرۋسقا تەست تاپسىرعانى حابارلاندى. سەرسەنبٸ كٷنٸ ولار نەۆاداعا ۇشۋدى جوسپارلاپ وتىر. بەيسەنبٸ كٷنٸ شوۋ قاتىسۋشىلارىنىڭ باسپاسٶز مەسليحاتى ٶتپەك. جەكپە-جەك نۇر-سۇلتان ۋاقىتىمەن 27 ماۋسىم كٷنٸ تاڭەرتەڭ ٶتەدٸ.
ەسكە سالا كەتەيٸك, كەشتٸڭ باستى ايقاسى ەكٸ سالماق دەرەجەسٸندەگٸ ەكس-چەمپيون, ۋكراينالىق ۆاسيليي لوماچەنكو مەن جاپوندىق ٶكٸل ماساەشي ناكاتاني اراسىندا بولادى.
