كٶرشٸسٸ مەن ونىڭ ون ايلىق بالاسىنىڭ ٶلٸمٸنە كٸنەلٸ دەپ تانىلعان تۇرعىن التى جىلعا باس بوستاندىعىنان شەكتەلدٸ, دەپ حابارلايدى قازاقپارات.
ماڭعىستاۋ وبلىستىق سوتىنىڭ سۋدياسى ەكٸ ادامنىڭ ٶلٸمٸنە جەندٸكتەردٸ ۋلايتىن پرەپارات سەبەپ بولعاندىعى تۋرالى شەشٸم شىعارعان.
ايتا كەتەيٸك, قايعىلى وقيعا وسى جىلدىڭ اقپان ايىندا بولدى. ەيەل پەتەرٸندەگٸ جەندٸكتەردٸ قاۋٸپتٸلٸگٸ جوعارى «كۆيكفوس» پرەپاراتىمەن ۋلاعان. بٸراق كٶرشٸلەرٸن بۇل تۋرالى ەسكەرتپەگەن. حيمييالىق زاتتار كٶرشٸ پەتەرلەرگە تارالعان. التى ادام اۋرۋحاناعا تٷسٸپ, ەكەۋٸ قايتىس بولدى.
پروكۋرور تۇرعىندى 7 جىلعا باس بوستاندىعىنان ايىرۋدى سۇرادى. ال قورعاۋشى شارتتى تٷردە باس بوستاندىعىن شەكتەۋ جازاسىن تاعايىنداۋدى ٶتٸندٸ.
«سوت جاسالعان اۋىر قىلمىستىڭ سيپاتى مەن قوعامدىق قاۋٸپتٸلٸك دەرەجەسٸن ەسكەرە وتىرىپ, سوتتالۋشىعا قاۋٸپسٸزدٸگٸ بارىنشا تٶمەن قىلمىستىق-اتقارۋ جٷيەسٸ مەكەمەسٸندە جازاسىن ٶتەي وتىرىپ, 6 جىل مەرزٸمگە باس بوستاندىعىنان ايىرۋ تٷرٸندەگٸ جازا تاعايىندادى. ٷكٸم زاڭدى كٷشٸنە ەنگەن جوق», - دەدٸ اقتاۋ سوتىنىڭ باسپاسٶز حاتشىسى گاۋحار نۇرحانوۆا.
