Kórshisi men onyń on ailyq balasynyń ólimine kináli dep tanylǵan turǵyn alty jylǵa bas bostandyǵynan shekteldi, dep habarlaidy QazAqparat.
Mańǵystaý oblystyq sotynyń sýdiasy eki adamnyń ólimine jándikterdi ýlaityn preparat sebep bolǵandyǵy týraly sheshim shyǵarǵan.
Aita keteiik, qaiǵyly oqiǵa osy jyldyń aqpan aiynda boldy. Áiel páterindegi jándikterdi qaýiptiligi joǵary «Kvikfos» preparatymen ýlaǵan. Biraq kórshilerin bul týraly eskertpegen. Himiialyq zattar kórshi páterlerge taralǵan. Alty adam aýrýhanaǵa túsip, ekeýi qaitys boldy.
Prokýror turǵyndy 7 jylǵa bas bostandyǵynan aiyrýdy surady. Al qorǵaýshy shartty túrde bas bostandyǵyn shekteý jazasyn taǵaiyndaýdy ótindi.
«Sot jasalǵan aýyr qylmystyń sipaty men qoǵamdyq qaýiptilik dárejesin eskere otyryp, sottalýshyǵa qaýipsizdigi barynsha tómen qylmystyq-atqarý júiesi mekemesinde jazasyn ótei otyryp, 6 jyl merzimge bas bostandyǵynan aiyrý túrindegi jaza taǵaiyndady. Úkim zańdy kúshine engen joq», - dedi Aqtaý sotynyń baspasóz hatshysy Gaýhar Nurhanova.
