فوتو: جازيرا باي̆ربەكنىڭ instagram پاراقشاسىنان
تانىمال ەنشٸلەر جانبولات پەن جازيرا دۋبايدا قالىپ قويعانىن مەلٸمدەدٸ, دەپ حابارلايدى Ult.kz.
ٶنەر يەلەرٸ بٸرٸككەن اراب ەمٸرلٸكتەرٸنە دەمالۋ ٷشٸن بارعان. الايدا تاياۋ شىعىستاعى احۋالدىڭ ۋشىعۋىنا بايلانىستى ەلگە قايتا الماي وتىرعاندارىن جەتكٸزدٸ.
بۇل تۋرالى جازيرا بايىربەكوۆا ەلەۋمەتتٸك جەلٸدەگٸ پاراقشاسىندا جازبا جارييالاعان.
"ديرەكتكە, WhatsApp-قا جازىپ جاتقان تۋعان-تۋىس, دوس-جاراندارعا ٷلكەن راقمەت. بٸز جاقسى حابار كٷتٸپ وتىرمىز. الاڭداماڭىزدار. اللا قالاسا, جاقسى كٷندە جولىعامىز. نيەتتەرٸڭٸزگە راقمەت!" – دەپ جازدى ەنشٸ.
ولار بٸرٸككەن اراب ەمٸرلٸكتەرٸنە كٸشكەنتاي قىزدارىمەن بارعان. جازيرا بايىربەكوۆا بٷلدٸرشٸندٸ "مەرەكە قارساڭىندا ساليۋت اتىلىپ جاتىر" دەپ الداۋسىراتىپ وتىرعانىن جەتكٸزدٸ. سونداي-اق ول:
"كٶزبەن كٶرٸپ, قۇلاقپەن ەستٸگەن قانداي قورقىنىشتى", - دەپ جارىلعان عيماراتتان شىققان قارا تٷتٸندٸ دە ۆيدەوعا تٷسٸرگەن.
ەسكە سالا كەتەيٸك, تاياۋ شىعىستاعى قاقتىعىستارعا بايلانىستى دۋباي ەۋەجايىنا شابۋىل جاسالعانى ايتىلعان. سونداي-اق زىمىران سوققىسىنان قوناقٷي ٶرەنگەنٸ حابارلاندى.
