Foto: Jazira Baĭrbeknyń instagram paraqshasynan
Tanymal ánshiler Janbolat pen Jazira Dýbaida qalyp qoiǵanyn málimdedi, dep habarlaidy Ult.kz.
Óner ieleri Birikken Arab Ámirlikterine demalý úshin barǵan. Alaida Taiaý Shyǵystaǵy ahýaldyń ýshyǵýyna bailanysty elge qaita almai otyrǵandaryn jetkizdi.
Bul týraly Jazira Baiyrbekova áleýmettik jelidegi paraqshasynda jazba jariialaǵan.
"Direktke, WhatsApp-qa jazyp jatqan týǵan-týys, dos-jarandarǵa úlken raqmet. Biz jaqsy habar kútip otyrmyz. Alańdamańyzdar. Alla qalasa, jaqsy kúnde jolyǵamyz. Nietterińizge raqmet!" – dep jazdy ánshi.
Olar Birikken Arab Ámirlikterine kishkentai qyzdarymen barǵan. Jazira Baiyrbekova búldirshindi "mereke qarsańynda saliýt atylyp jatyr" dep aldaýsyratyp otyrǵanyn jetkizdi. Sondai-aq ol:
"Kózben kórip, qulaqpen estigen qandai qorqynyshty", - dep jarylǵan ǵimarattan shyqqan qara tútindi de videoǵa túsirgen.
Eske sala keteiik, Taiaý Shyǵystaǵy qaqtyǵystarǵa bailanysty Dýbai áýejaiyna shabýyl jasalǵany aitylǵan. Sondai-aq zymyran soqqysynan qonaqúi órengeni habarlandy.
