اتىراۋ مۇناي ٶڭدەۋ زاۋىتى ماۋسىمارالىق ديزەل وتىنىن ٶندٸرۋگە كٸرٸسەدٸ, دەپ حابارلايدى قازاقپارات.
كەسٸپورىننىڭ باسپاسٶز قىزمەتٸنٸڭ مەلٸمەتٸنشە, ٶندٸرٸستٸك جوسپارعا جەنە ٸشكٸ نارىقتىڭ سۇرانىسىنا سەيكەس, –5 گرادۋستا قاتپايتىن ماۋسىمارالىق ديزەل وتىنىن شىعارۋعا تەحنولوگييالىق قوندىرعىلاردى دايىنداۋ جٷرٸپ جاتىر.
«بۇل ٶنٸم اۋا تەمپەراتۋراسى 5 گرادۋستان تٶمەندەمەيتٸن ماۋسىمارالىق كەزەڭدە تۇتىنۋعا ارنالعان. زاۋىتتا قايتا جاڭعىرتۋ جوباسى شەڭبەرٸندە سالىنعان جاڭا تەحنولوگييالىق قوندىرعىلاردىڭ نەتيجەسٸندە 2019 جىلى ك4 ەكولوگييالىق كلاسىنا جاتاتىن ديزەلدٸڭ (دت-ە) وسى تٷرٸن ٶندٸرۋ باستالدى. اۋا تەمپەراتۋراسى تٶمەندەگەن كەزدە ديزەل وتىننىڭ –15, –25, –32 جەنە Khazar-38, Altay-45 سەكٸلدٸ تٷرلەرٸن شىعارۋدى باستايدى» - دەپ حابارلادى زاۋىتتىڭ باسپاسٶز قىزمەتٸ.
بيىلعى قىركٷيەكتە ەنەرگەتيكا مينيسترلٸگٸ ٸشكٸ نارىقتى ديزەل وتىنىمەن قامتۋدىڭ كٷردەلٸ جاعدايىنا بايلانىستى «قازمۇنايگاز» ۇك اق-مەن بٸرلەسٸپ, اتىراۋ مۇناي ٶڭدەۋ زاۋىتىندا جٷرگٸزٸلەتٸن اعىمداعى جٶندەۋدٸ كەيٸنگە قالدىرۋ تۋرالى شەشٸم قابىلدانعان.
«اتىراۋ مۇناي ٶڭدەۋ زاۋىتى بيىلعى 8 ايدا 1 027 123 توننا ديزەل وتىنىن ٶندٸردٸ. بۇل بىلتىرعى وسى كەزەڭدەگٸمەن سالىستىرعاندا 10,5 مىڭ تونناعا ارتىق. زاۋىت 8 ايدا تاپسىرىس بەرۋشٸلەرگە 1 ملن 032 مىڭ توننا ديزەل جٸبەردٸ. بۇل ٶتكەن جىلعىدان 13 مىڭ تونناعا ارتىق. بيىلعى 5 مامىردا ديزەل وتىنىنىڭ تاۋارلىق پاركٸنٸڭ رەزەرۆۋارلارى ٸسكە قوسىلدى» - دەپ مەلٸم ەتتٸ باسپاسٶز قىزمەتٸنەن.
