دەنساۋلىق ساقتاۋ مينيسترلٸگٸ 8 سەۋٸردە ماڭعىستاۋ وبلىسىندا - بٸر, اتىراۋ وبلىسىندا تٶرت ادامنان كوروناۆيرۋس تابىلعانىن حابارلاعان بولاتىن.
رەسمي مەلٸمەت بويىنشا, ماڭعىستاۋ وبلىسىندا 1974 جىلعى جاڭاٶزەن تۇرعىنىنان ۆيرۋس تابىلعان. پنەۆمونييا بەلگٸلەرٸ بايقالعان ناۋقاس 7 سەۋٸردە دەرٸگەرگە كٶرٸنگەن. ينفەكتسييالىق اۋرۋحاناعا جاتقىزىلىپ, اناليز الىنعان. ۆيرۋس جۇققانى انىقتالعان.
وبلىستىق دەنساۋلىق ساقتاۋ باسقارماسىنىڭ حابارلاۋىنشا, دەرٸگەر-ماماندار (ينفەكتسيونيست, رەانيماتولوگ, تەراپەۆت) ماتەريالدىق-تەحنيكالىق جەنە جەكە قورعانىش قۇرالدارىمەن تولىققاندى قامتىلعان.
قازٸر ينفەكتسييا انىقتالعان وشاققا جەنە ونىڭ اۋماعىنا دەزينفەكتسييالاۋ جۇمىستارى جٷرگٸزٸلۋدە. بايلانىستا بولعاندار سانىن انىقتاۋ بويىنشا ەپيدەميولوگييالىق تەكسەرٸستەر مەن ٸس-شارالار جٷرگٸزٸلٸپ جاتىر. ناۋقاستىڭ قايدا جۇمىس ٸستەگەنٸ, كٸمدەرمەن بايلانىستا بولعانى زەردەلەنۋدە.
اتىراۋ وبلىسىندا تەڭٸز كەنٸشٸندە ۆاحتالىق پوسەلوكتا ٸستەيتٸن 1970 جىلعى ەيەلدەن ۆيرۋس تابىلعان. ول "تەڭٸزشەۆرويلعا" قاراستى مەردٸگەر كومپانييالاردىڭ بٸرٸندە جۇمىس ٸستەگەن. ۆاتەرناس جۇمىسشىلار پوسەلكاسىندا تۇرعان. قازٸر ينفەكتسييالىق يزولياتورعا جاتقىزىلعان.
رەسمي ورگاندار "كوروناۆيرۋس "تەڭٸزشەۆرويل" كومپانيياسىنىڭ جۇمىسىنا ەسەر ەتپەيدٸ دەپ مەلٸمدەدٸ. اقپارات بويىنشا, كومپانييا "قىزمەتكەرلەرٸن ۆيرۋستان قورعاۋ قورعانۋ شارالارىن ۇيىمداستىرعان".
سوڭعى مەلٸمەت بويىنشا, قازاقستاندا 709 ناۋقاس بار. 7 ادام كوروناۆيرۋستان قايتىس بولعان. 51 ادام جازىلعان. ماڭعىستاۋ وبلىسىندا - 6, اتىراۋ وبلىسىندا 36 ادامعا ۆيرۋس جۇققان.
