جاڭاٶزەن قالاسىندا گاز قۇيۋ بەكەتتەرٸندە گاز باعاسى 55 تەڭگەدەن ساتىلاتىن بولدى, دەپ حابارلايدى "ۇلت اقپارات".
وسىعان دەيٸن سۇيىتىلعان گاز باعاسى 60-65 تەڭگەگە كٶتەرٸلگەن ەدٸ. كەيبٸر قوعام بەلسەندٸلەرٸ ونى تٷسٸرٸپ, ەلەۋمەتتٸك جەلٸگە سالسا, كەيبٸر تۇرعىندار ەكٸمدٸك الاڭىنا ارنايى بارىپ, شاھار باسشىسى ماقسات يباعاروۆپەن كەزدەسٸپ, تالاپتارىن بٸلدٸردٸ. تۇرعىندار گاز باعاسىنىڭ نەگٸزسٸز ٶسۋٸنە جول بەرمەۋدٸ قاتاڭ قاداعالاۋدى سۇرادى.
وسىعان بايلانىستى قالا ەكٸمٸ ارنايى جيىن ٶتكٸزٸپ, وعان وسى مەسەلەگە جاۋاپتى مامانداردىڭ بارلىعى قاتىستى. جيىندا ماڭعىستاۋ وبلىسىنىڭ ەنەرگەتيكا جەنە تۇرعىن-ٷي شارۋاشىلىعى باسقارماسى باسشىسىنىڭ ورىنباسارى بەردٸبەك قارتباەۆ ەلەكتروندى ساۋدا الاڭى, ليميت مەسەلەسٸ جٶنٸندە تٷسٸنٸك بەردٸ.
ونىڭ سٶزٸنشە, باعانىڭ كٶتەرٸلۋٸنٸڭ باستى سەبەبٸ «قازاق گاز ٶڭدەۋ زاۋىتى» جشس ٶندٸرەتٸن سۇيىتىلعان گازدىڭ ەلەكتروندى ساۋدا الاڭىنا شىعارۋىنا بايلانىستى بولعان.
قالا ەكٸمٸ وسى مەسەلە بويىنشا ٶتكٸزٸلگەن جيىندا اشىق ديالوگ بولعانىن اتاپ ٶتتٸ.
«جيىندا اشىق ديالوگ قۇردىق, كەسٸپكەرلەر ٶز ۇسىنىستارىن بٸلدٸردٸ. كەلٸسسٶزدەر نەتيجەسٸندە قۇزىرلى ورگاندارعا ناقتى تاپسىرمالار بەرٸلٸپ, قالاعا كەستە بويىنشا بٶلٸنگەن گازدى 55 تەڭگەدەن ساتۋ جٶنٸندە شەشٸم قابىلداندى. سونداي-اق بٸرنەشە جەكە كەسٸپكەردٸڭ سۇيىتىلعان گازدى ەلەكتروندى ساۋدا الاڭى (ەسا) ارقىلى ساتىپ العانى انىقتالىپ, ولارعا ەسا ارقىلى ساتىپ الىنعان گازدى 57 تەڭگەدەن ساۋدالاۋعا رۇقسات ەتٸلدٸ. ەسا ارقىلى ساتىپ الىنعان گاز بٸتكەن سوڭ كەستەگە ساي ساتىپ الىنعان گاز 55 تەڭگەدان ساۋدالانادى», - دەپ حابارلادى قالا ەكٸمٸ ماقسات يباعاروۆ.
«قازاق گاز ٶڭدەۋ زاۋىتى باسشىلىعىنا سۇيىتىلعان گازدى كەسٸپكەرلەرگە كەستەگە ساي ٷلەستٸرۋگە, باعانى تٷسٸرۋ ٷشٸن ولاردىڭ ەرقايسىسىنا قوسىمشا 10 توننا گاز بەرۋ تاپسىرىلدى. سونداي-اق, سۇيىتىلعان گاز كٶپ مٶلشەردە قاجەت بولاتىن كٶكتەم-جاز ايلارىندا قوسىمشا گاز بٶلۋ مەسەلەسٸ الداعى ۋاقىتتا قارالاتىن بولادى»,-دەپ اتاپ ٶتتٸ شاھار باسشىسى.
