فوتو: Pexels.com
بۇرىن پيلوتتىق رەجيمدە ٸسكە قوسىلعان كەيبٸر جوبالار ەندٸ بٷكٸل ەل اۋماعىندا قولجەتٸمدٸ بولادى, دەپ حابارلايدى Ult.kz.
«بٸر كٷندٸك كلينيكا» جوباسى
الدىمەن تەستٸلٸك فورماتتا ايماقتاردا ەنگٸزٸلگەن بۇل جوبا قازٸر رەسپۋبليكا كٶلەمٸندە قولجەتٸمدٸ. نەگٸزگٸ ماقساتى – جٷكتٸ ەيەلدەرگە زاماناۋي پرەناتالدى دياگنوستيكا ەدٸستەرٸنٸڭ قولجەتٸمدٸلٸگٸن قامتاماسىز ەتۋ. بۇل جوبا ارقىلى بٸر كٷن ٸشٸندە تۋا بٸتكەن پاتولوگييالار نەمەسە حروموسومالىق اۋىتقۋلار قاۋپٸن انىقتاۋعا مٷمكٸندٸك بار.
ەلەكتروندى انىقتامالار
تاعى بٸر ماڭىزدى ٶزگەرٸس – بٸرقاتار مەديتسينالىق قۇجاتتاردى ەلەكتروندىق فورماتقا كٶشٸرۋ. جاڭا جىلدان باستاپ تسيفرلىق تٷردە قولجەتٸمدٸ بولادى:
▪️ سانيتارلىق كٸتاپشالار;
▪️ ەڭبەككە ۋاقىتشا جارامسىزدىق پاراقتارى (بولنيچنىي);
▪️ مەديتسينالىق انىقتامالار;
▪️ بالانىڭ دەنساۋلىق پاسپورتى;
▪️ قارۋ ۇستاۋعا جەنە كٶلٸك جٷرگٸزۋگە رۇقسات الۋ ٷشٸن قاجەتتٸ انىقتامالار.
سونىمەن قاتار, قازاقستاندا العاش رەت «فەتالدى مەديتسينا» جوباسى جٷزەگە اسىرىلۋدا. بۇل جوبا از ينۆازيۆتٸ پروتسەدۋرالار كٶمەگٸمەن ۇرىق پاتولوگييالارىن ەرتە انىقتاۋ مەن ەمدەۋگە باعىتتالعان. جوبا اياسىندا 20 ٸشتەي وپەراتسييا جاسالدى.
مەديتسينالىق قۇجاتتاردى تسيفرلىق فورماتقا كٶشٸرۋ
بۇل ٷشٸن دەنساۋلىق ساقتاۋ جٷيەسٸ eGov mobile قوسىمشاسىمەن ينتەگراتسييالانادى. ازاماتتار قۇجاتتاردى تٸكەلەي قوسىمشا ارقىلى ۇيىمدارعا جولداي الادى, بۇل ۋاقىتتى ٷنەمدەۋگە مٷمكٸندٸك بەرەدٸ.
بالالاردى ۆاكتسيناتسييالاۋ تۋرالى اقپاراتتاندىرىلعان كەلٸسٸم نەمەسە باس تارتۋ دا ەلەكتروندى تٷردە رەسٸمدەلەدٸ. ەگەر يممۋنداۋدان كەيٸن اسقىنۋلار ورىن السا, دەرٸگەرلەر ەلەكتروندىق حابارلاما جٸبەرٸپ, شۇعىل مەديتسينالىق كٶمەك كٶرسەتۋگە مٸندەتتٸ بولادى.
