Foto: Pexels.com
Buryn pilottyq rejimde iske qosylǵan keibir jobalar endi búkil el aýmaǵynda qoljetimdi bolady, dep habarlaidy Ult.kz.
«Bir kúndik klinika» jobasy
Aldymen testilik formatta aimaqtarda engizilgen bul joba qazir respýblika kóleminde qoljetimdi. Negizgi maqsaty – júkti áielderge zamanaýi prenataldy diagnostika ádisteriniń qoljetimdiligin qamtamasyz etý. Bul joba arqyly bir kún ishinde týa bitken patologiialar nemese hromosomalyq aýytqýlar qaýpin anyqtaýǵa múmkindik bar.
Elektrondy anyqtamalar
Taǵy bir mańyzdy ózgeris – birqatar meditsinalyq qujattardy elektrondyq formatqa kóshirý. Jańa jyldan bastap tsifrlyq túrde qoljetimdi bolady:
▪️ sanitarlyq kitapshalar;
▪️ eńbekke ýaqytsha jaramsyzdyq paraqtary (bolnichnyi);
▪️ meditsinalyq anyqtamalar;
▪️ balanyń densaýlyq pasporty;
▪️ qarý ustaýǵa jáne kólik júrgizýge ruqsat alý úshin qajetti anyqtamalar.
Sonymen qatar, Qazaqstanda alǵash ret «Fetaldy meditsina» jobasy júzege asyrylýda. Bul joba az invazivti protsedýralar kómegimen uryq patologiialaryn erte anyqtaý men emdeýge baǵyttalǵan. Joba aiasynda 20 ishtei operatsiia jasaldy.
Meditsinalyq qujattardy tsifrlyq formatqa kóshirý
Bul úshin densaýlyq saqtaý júiesi eGov mobile qosymshasymen integratsiialanady. Azamattar qujattardy tikelei qosymsha arqyly uiymdarǵa joldai alady, bul ýaqytty únemdeýge múmkindik beredi.
Balalardy vaktsinatsiialaý týraly aqparattandyrylǵan kelisim nemese bas tartý da elektrondy túrde rásimdeledi. Eger immýndaýdan keiin asqynýlar oryn alsa, dárigerler elektrondyq habarlama jiberip, shuǵyl meditsinalyq kómek kórsetýge mindetti bolady.
